ពុតស្នេហ៌កម្លោះ Mafia S2 (Complete)

Part (54+55)

ព្រឹកថ្ងៃថ្មីក៏ឈានមកដល់មនុស្សម្នានាំគ្នាជជែកលេងចេញដំណើរយាត្រាទៅរកចំណី ធ្វើការឬក៏ធ្វើអ្វីផ្សេងៗទៅតាមតួនាទី គ្រប់គ្នាមើលទៅសប្បាយរើករាយស្រស់ស្រាយញញឹមទទួលយកអ្វីដែលថ្មីតែមិនមែនទាំងអស់ឡើយ ។
" លោកម្ចាស់ចង់ទុកយូរទៀតទេ?? នេះវាច្រើនឆ្នាំមកហើយ " ស្រីក្រមុំរូបស្រស់ឆើតឆាយកំពុងតែអង្គុយនៅចំពីមុខរបស់មេក្រុមចចកខ្មៅនិយាយស្ដីឡើងទាំងបង្គាប់បង្ខំមិនពេញចិត្តជាមួយទង្វើម្ចាស់ខ្លួនជាខ្លាំង ។
" នាងតក់ក្រហល់បែបនេះចង់រលំរលាយឬយ៉ាងម៉េច? "
" តែវា5ឆ្នាំហើយ! " មាងនៅតែពាក់មុខយក្សមិនពេញចិត្តជាមួយបរុសម្នាក់នោះដដែល ។
" 5ឆ្នាំវាយ៉ាងម៉េច? យើងចាំមកអស់7ឆ្នាំមិនទាំងឆ្កួតនឹងញ័រចូលខ្លួនទៅសម្លេសអាចង្រៃនោះផង " មេដឹងនាំក្រុមចចកខ្មៅពោលឡើងទាំងមុខស្មើធេង គេលើកកែវការហ្វេមកជឹបមុននឹងជ្រឹបភ្នែកសម្លឹងមើលរាងស្ដើងនៅចំពោះមុខទាំងមិនមាត់កបន្ត។
" លោកម្ចាស់មិនអាចសម្លាប់គេបានឡើយ ខ្ញុំប្រាប់លោកហើយថាការដែលខ្ញុំមកចុះចូលជាមួយលោកនៀកគឺដើម្បីទាញយកផលប្រយោជន៍រាងខ្លួនមិនចឹង? "
" តែនាងគ្មានសកម្មភាពណាដែលថាទៅទាញគេចេញពីជុងនីឡើយ " មេដឹងនាំក្រុមចចកខ្មៅលើកដៃចង្អុលទៅនាងក្រមុំធ្វើអោយស្រីស្រស់កាន់ឆេះឆួលតែក្ដៅក្រហាយ ។
" លោកម្ចាស់ក៏មិនបានចេញជាផ្លែផ្កាដូចគ្នាអ្នកអង្គម្ចាស់អុីម មីនយ៉ូ "ចុងប្រយោគនាងហៅឈ្មោះគូរករណីច្បាស់ៗទាំងមិនខ្លាចរអ៊ាថាគេជានរណាឬមានឋានៈជាអ្វី ស្រីតូចញញឹមឌឺអោយអ្នកកម្លោះវិញយ៉ាងមានប្រៀប ព្រោះយ៉ាងណាគេក៏ធ្វើអ្វីមិនបានក្រៅពីតាមយកចិត្តឪពុករបស់ជុងនីត្រុកៗដូចជាឆ្កែតាមឆ្អឹងសុី ចុងក្រោយនៅតែគ្មានប្រយោជន៍។
" គោលដៅយើងមិនមែនតែជុងនីឡើយ .... " មេដឹកនាំក្រុមចចកខ្មៅអុីម មីនយ៉ូញញឹមបញ្ឈឺអ្នកនៅចំពោះមុខទ្រង់ងាកទៅសម្លឹងមើលព្រៃភ្នំទាំងក្រសែភ្នែកអានមិនចេញ។
" ពេលនេះឆេនសុីក៏ស្លាប់បាត់គ្មានរណាមកធ្វើការអោយពិបាកណាស់ "
" ចឹងនាងដើរតួជាឆេនសុីទៅ ...! "
" មិនចង់! ហើយក៏គ្មានថ្ងៃដូចគ្នាគុំនុំគ្រួសារត្រូវតែសងខ្ញុំនឹងក្ដាប់ចាប់យកទាំងគ្រួសារវាទាំងអស់តែម្ដង " ស្រីតូចពោលឡើងទាំងភ្នែកក្រហមកំហឹងក្នុងទ្រូងឆួលឡើងស្ទើផ្ទុះម្ដងៗ
" បារម្ភពីលោកវិញទៅ រាជបល័ង្ហនោះអីពន្យាពេលដល់ពេលណាព្រះពរ លោកម្ចាស់ត្រូវដឹងថាយើងឈឺប៉ុណ្ណាត្រូវសងទៅវិញទ្វេជា2ព្រះពរ "ស្រីតូចញញឹមពិសនៅចំពោះមុខរាងសង្ហាទឹកដងសម្លេងកាន់តែបញ្ឆេះអ្នកនៅចំពោះមុខភ័យខឹងក្នុងពេលតែមួយគួរតែដល់ពេលអោយពួកចាបព្រាបទាំងនោះសងការឈឺចាប់និងអ្វីដែលជារបស់គេមកវិញហើយ ។