٨)عشقت سجينتي البريئة الكاتبة صفاء حسني الطيب

الخاتمة التاني

ملخص عن احداث  الجزء الثالث

فاقت روان  تصرخ وهي مفزوعة و بتنادي علي  خالد، ماما فرح، بابا محمد 
اقتربت منها  فتاة  وقالت
نفس الحلم تاني يا بنتى  ارحمني
قامت روان من مكانها وفتحت عينيها واعتذرت وقالت
اسفه  جدا 
ابتسمت الفتاة وقالت
عادي  اتعودت عليك من  يوم ما جيت وانتي   على  الحال دى  لكن نفسي اعرف  مين خالد  وركزت شويه وسالتها
اوعى يكون خالد  هو  المحامي  الا يمسك  قضيتك بدل بنت عمك 
ابتسمت روان وقالت
ما انا عملت كده  علشان يرجع  ليا
شهقت الفتاة وقالت
يا مجنونه  تسجني  نفسك عشان حبيبك يرجع بجد انتي عقلك ضارب قولي  يا اختى كان مسافر فين حبيبي القلب وقد ايه غايب 
ضحكت روان وقالت 
هو كمان قال لي كده ان مجنونه،  كان مسافر  تركيا وفضل ٣ سنين،  اشتقت ليه وهو مكنش  معبرني
ضحكت الفتاة وقالت
احسن تستاهلي ، في واحد  يحب مجنونه زيك
كشرت روان وقالت
مشي حكي ليكى حاجة
اعتذرت منها وقالت
اسفه  احكي بقي
ابتسمت روان وقالت
بصي هي  حكاية كبيره   وغريبة،  في حكايتي  وفي حكاية  نجوى عاوزة اي جزء  فيها
ردت الفتاه  وقالت
انتي وقفت عند لم كنت مسجونة  اول مره  وتعبت ودخلت المستشفى، بس انا مشكلتي مبحبش التفصيل الكتير وهتجنني واعرف ليه خالد سافر وسابك وليه تركيا
ابتسمت روان وقالت
يعني عاوزه من الاخر  للاول
ردت الفتاه
اه انتي اصلا  يتحكم عليكي البراءة بكره وقضيتك محلول   ومفيش وقت للاحداث هاتي المهم
ردت روان وقالت
كله مرتبط ببعضه، لكن اختصرك الا حصل
انا وقتها فوقت ورجعت وحصلت حجات كتيره حب غيرة  ، طموح، عناد،  لكن كان اخر موقف على  قد ما قرب ما بينا  انا وخالد، على قد ما شفت كسرت خالد على  امه لم عرف  الا حصل  مع امه
اقتربت  منها بلهفة وقالت
يا لهوى مش انتي قلت اتصالح  مع امه ،هما اتخصمو تاني
ضحكت روان  وقالت
طلعت مش  امه سبحان الله  كان  خالد رفض الا عايشه معه حسي انها مش امه من زمان اوي
مسكت الفتاة رأسها  وقالت
دوختني ووجعت دماغي، احكي طيب امه طلعت فين و حصل معها ايه
ردت روان
  كانت مسجونة، لكن سجن غريبة انا وقتها مفهمتش  حاجه  ، كنت وقتها  روحت  اسكندريه عشان ندور علي  شهادة المدرسه  ، بعد ما اتغير اسمي وانكتب ب اسم بابا اللواء  محمد ، وكانت معي الرخمة مي وكمان الظابط
باسم
قطعتها الفتاة  وقالت
باسم دى مش ظابط امن الدوله، اتعرفت عليه امتي وعرفت اسمه
ضحكت روان  وقالت
اه هو،بس ارسي على حاجه انتي عاوزه تعرفي حكاية نجوى والا حكايتي
ردت الفتاه وقالت
طيب قولي  حكاية نجوى الا طلعت مش نجوى
ابتسمت روان وقالت
زى ما قلت ليك ، هناك سمعت بابا بيتكلم، وبيقول ان نجوى انخطفت، اترعبت وقتها وعملت مغامرة  انا وخالد لكن  وقتها،  سببت في  خطف خالد وانا
شهقت الفتاة وقالت
نعم يا اختى ظابط انخطف احكي احكي
  ابتسمت روان وقالت
اه مش بقولك  عايشته معايا  مغامرة  المهم كنا مربوطين والدنيا ظلمي جدا وفجاء
يظهر وجه الخاطف   كان اسمه سليم
وبدا يتكلم  وقال
فلاش