٨)عشقت سجينتي البريئة الكاتبة صفاء حسني الطيب

الحلقة ١١

تصرخ عزيزة :
الحقنى البت مش عارفة راحت فين

يهرول عباس اتجهها ويصرخ :
يعنى ايه مش عارفة فين البنت مش كنت سايبها معاكى ؟

كانت عزيزة محرج من عباس وقالت :
مش عارفة كانت بتعمل حمام وفى دقيقة اختفت
تعالى ندور عليها

وبدوا البحث عنها

كانت روان انهكت من التعب جلست داخل حديقة عامة خلف شجرة وهي بتفكر ازاى هتتصل بفرح ،وكمان كانت جعانه وعطشانه، فتحت الحقيبة الصغيرة
لم تاجد مجرد فلوس قليلة علشان تتصل ب فرح
وفجأة وجدت ولد اكبر منها يجلس بجوار روان وسالها
انا اسمى حسن ،وطبعا مش الحقيقة انتى اسمك ايه وتابعة ل مين

شهقت روان وكانت خايفة لكن ضحكته خالتها تتكلم معه وقالت:
انا اسمي روان ،وتبع ماما فرح ثم سالته ليه مش اسمك الحقيقي

ضحك حسن بوجع وقال :
لان كنت عايش فى ملجاء و امى رميتني من وانا صغير في المستشفى ،وهربت وبعتوني ل ملجأ ولما كبرت هربت من الملجاء، وشغال مع الحاج حنفي

دمعت روان وقالت :
يعنى مش تعرف ابوك ولا امك فين يا حرام

ابتسم حسن وقال :
واضح على شكلك مش من الكار بتاعنى او شغالى مع حد

ردت روان وقالت :
لا انا كنت في المول مع ماما وبابا
وبابا طلب منى اروح معاه العب في مكينه الكيد كارد، وجاب ليا عصير وبعدها بساعات لقيت نفسي عند ناس معارفهاش ، وطلعوا خطفونى وجابونى من القاهرة إلى هنا

انصدم حسن وبهزار قال :
يا خبر يعنى لو معرفتيش ترجع هتبقي من اولاد الشوارع زى بعض

انصدمت روان وقالت :
بتقول ايه انا هتصل ب ماما فرح تيجي تاخدنى

سالها حسن وقال :
طيب حافظة الرقم ؟

ردت روان :
اه محتغظة بيه

مسك حسن ايديه وقال :
طيب تعالي اوديكي كشكك عم حامد نجيب حاجه ناكلها ونشربها وبعدين نتصل ماشي
اومت راسها وقالت
ماشي
....

اشتري حسن عيش وطعمية وجبنه وراح عند روان وقال
: تعالي كلي معايا أكل هيعجبك

سالته روان وقالت :
ايه دى

ضخك حسن وفهم انها متعرفهوش راح قال :
كباب يعجبك أوي

تمد روان ايديها وتاخد واحدة وتبدأ تتذوقه :
الله فعلا حلو لكن مش شبه اللي ماما فرح بتجيبه وتعمله دا طعمه مختلف

ضحك حسن وقال : واضح انك انتى بتحب ماما فرح أوي

ابتسما روان وقالت :
اوى بحبه اوى وعاوزة ارجع عندها ماما فرح دى أطيب وأجمل ام في الدنيا كلها

حزن حسن وقال :
يارب تعرفي ترجعي ليها

ردت روان :
يارب