Unicode
"အပိုင်း-ငါးဆယ်"
"အန်တီကမမမြိုင်ရဲ့အမေလား"
ဟုမေးလိုက်တော့ အေးခဲသွားသည့်မျက်နှာကြောင့်စကားမှားပြီလားဟုမေတွေးမိသည်။ ရုတ်ချည်းဆိုသလိုပင် အန်တီစိန်မွမ်းမက်တပ်ရပ်လိုက်သည်။ ထို့နောက်မေ့ကိုအေးစက်စွာဖြင့်မေးလာသည်က
"ဘာလုပ်ဖို့လဲ"
"မေသိချင်လို့ပါ ပြီးတော့ အန်တီနဲ့ဦးလေးနောင်တို့ကသူငယ်ချင်းဆိုတာမေကြားမိတယ် ဒါကြောင့်မေးတာပါ"
ဟုဖြေတော့မှ စိတ်အေးစွာဖြင့် အန်တီစိန်မွမ်း ပြန်ထိုင်ချလိုက်သည်။ ထို့နောက်
"စိုင်းနောင်နဲ့သမီးမေနဲ့ကဘာတွေလဲ"
ဟုပြန်မေးခွန်းထုတ်လာသည့် အန်တီစိန်မွမ်းကြောင့် အနည်းငယ်အံ့ဩမိသည်။
မေးခွန်းတွေမမေးပဲ အမှန်တိုင်းဖြေလိုက်လျှင်ဘာများခက်လို့လဲဟုမေတိတ်တိတ်ကလေးတွေးမိသော်လည်း
"ဦးနောင်နဲ့ မေနဲ့ကတူ၀ရီးတွေပါ"
ဟုပြောတော့ အေးစက်နေသည့်မျက်၀န်းတို့ဟာ ပြန်လည်နွေးထွေးလာသလိုပင်။ ယခုမှသတိထားမိသည့် မြိုင့်၏မျက်လုံးကလေးများဟာအန်တီစိန်မွမ်းထံမှ အမွေရထားတာပင်ဖြစ်မည်ဟု။
"အော် ဒါဆိုငယ်ငယ်က ကလေးလေးက ဒီက မေပေါ့..ကဲပါ အန်တီအချိန်ထပ်မဖြုံးတော့ဘူး။
မြိုင်နန်းရီဆိုတဲ့ ကောင်မလေးက အန်တီ့...အင်း...သမီး မရချင်ပဲရလာတဲ့ ရင်သွေးပေါ့ အခုတော့ မတွေ့ရတာကြာပင်မဲ့လည်း ကောင်မလေးကသူ့အဖေနဲ့တူတော့ အဆင်ပြေမှာပါ"
ဟုပြောချလာသည့် အန်တီရဲ့တိုးတိုးဖွဖွနောက်ဆက်တွဲစကားေတွကြားမေဆွံအသွားခဲ့ရပါသည်။ ဒါဟာအမေတစ်ယောက် မိခင်တစ်ယောက်စီကထွက်လာသည့်စကားများပင်။
"မမမြိုင်ကို အန်တီ ဘယ်အရွယ်တည်းကမတွေ့ဖြစ်တာလဲ"
ဟုနီရဲနေသည့်မျက်၀န်းများနှင့်မေ မေးလိုက်သည်။ မည်သို့ပင်မုန်းတီးပါစေ သမီးဟုတောင်အသိအမှတ်မပြုပေးသည့် အမျိုးသမီးနှင့် အမေဟုရဲရဲ၀င့်၀င့်ခေါ်ခွင့်မရခဲ့သည့် မြိုင့်အားမေသနားမိသည်။
YOU ARE READING
မေ့ရဲ့မမမြိုင်
Romance🌼-GL FICTION-🌼 "မေ့အတွက်တော့မြိုင်ဟာ အိမ်ကလေး မြိုင့်အတွက်တော့ မေဟာပိတောက်ပန်းကလေးတဲ့" အိမ်လေးလိုနွေးထွေးတယ်။ ပိတောက်တွေလိုသစ္စာရှိတယ်။ ချစ်ခြင်းတရားတွေဟာ လှပလေတယ်။ ဒီလိုနဲ့ မမမြိုင်ရင်ထဲ ကြိုးနီလေးဟာ မြဲမြံစွာ ချည်လေတော့ ကျန်ရစ်သူေလးဟာ ပူဆွေးရ...
