جموح الغضب

5

☠️🩸 جموح الغضب 🩸☠️
✍🏿بقلمي : خديجة كابي

☀️حتى الشمس ستكسر القانون و تشرق من مغربها لتعلن النهاية ☀️
💄 الجزء الخامس 💄

من بعد ما كمل مع معاذ الهدرة ، خرج محرك بإتجاه المكتب ديالو يقاد شي دواصا و يلاهي راسو بينما وصل وقت الموعد ، أما هي فكانت دوشات و تغدات و خرجت راكبة على الخيل تتنزه في المرعى الكبير ديال سي رضوان لي شاريه من زمان هادي...
تتدور عينيها على الأعشاب ، اللون الأخضر طاغي على المكان بالكامل ، السماء مزينها اللون الازرق و الجو مزينو صوت العصافير و شميشة ساطعة عاطية رونق خاص...هبطت من فوق الحصان لي تاهو مفلتش منها و طلقت عليه اسم خاص و لي هو " نورس "

ربطاتو على واحد الشجرة و ريحت تحتها هازة في إديها المدكرة ديالها و القلم تتكتب و تتعبر على بعض المشاعر لي يصعاب علينا في بعض الأحيان أننا نعبرو عليها ، كيصعاب علينا نخرجوا تلقائيا داك الاحساس ، الحزن كنترجموه لدموع و الغضب كنترجموه لصراخ و الاكتئاب كنترجموه للإبتعاد عن البشر أما الحب فكنترجموه الافعال ....الشخص الوحيد لي كيترجم ليها مفهوم الحب هو جابر و ملي ندكرو إسم جابر فخاصنا نمشيو نشوفوه اش كيدير داب

• وسط المكتب داير إيديه على راسو و كيقرا في القرار لي توصل بيه في هاد الدقائق الأخيرة ، أنفاسو كيرتافعو و كيتنهد بالجهد و عروقو من كترت العصاب برزات
تكلم تحت سنانو و هو خابط داك الملف مع الحايط : غادي ندمكم ، بغيتو تبعدوني من طريقكم ولكن أبلاتي انا هو اللخر ليكم....انا اللخر لييكم
دخل عندو رئيس المكتب ، لايح ليه كلام زادو صدمة اكبر من صدمتو ، كلام خرجوا على طوعوا و الصبر لي كان عندو تقادا كيفما كيكولو ( غير يحمى الواد يفيض الكاس )

الرئيس : جابر المجدولي ، أنت تحت أمر التوقيف لأنك خالفتي التعليمات و بحثي في قضية هي ماشي قضيتك و بعيدة كل البعد عليك

هنا تأكد مزيان بلي أعداءو كاينين وسطو ، البوليس تاهوما منهم شي عملاء يقدرو يكونو كينتاميو للجند الأسود
و هو الهدف الرئيسي ديالو انهم يكشفهم و يلقي القبض على زعيم هاد العصابة لي طلقات على راسها هاد الاسم لي كيحمل بزااف توع المعاني

* الجند : المعنى ديالها عندهم هو الاتحاد
*الاسود : هو الضلام ، او النفق

يعني الاسم المختصر ليهم هو
« الاتحاد المضلم »

#يتبع

سمحوليا البنات عندي فرض
و يلاه كنتب حتاش الاجزاء مشاو ليا في واحد الابليكاسيو طارت ليا مع سطوكاج

اعتذر 😥✨