جموح الغضب

67

♥╣[ جـــمـــوح الـــغـــضـــب ]╠♥
      ✍🏽 بقلمي : خديجة كابي

🍷زدني من النبيذ...لعل ابتسامة باهتة ترسم على وجهي 🍷

🌺الجزء ⁶⁷ 🌺

حطت لالة فتيحة الطويبلة عامرة اشمنك يا مسمن و يا بطبوط بالزيت و اشمك يا حرشة و الزبدة البلدية و أتاي بالكشكوشة...كلست وسط ولادها بزوج و طبطبت على كتافهم و نطقت و ديك الابتسامة الحنينة على وجها

لالة فتيحة : ربي يخليكم ليا...يجيو خوتكم و تكمل فرحتي

باس ليها نعمان على راسها ناطق : الله يخليك لينا يا الميمة

ميراث هو الاخر باس ليها على إيديها و راسها طالب رضاها

كبات ليهم أتاي و بداو ياكلو و يضحكو و لالة فتيحة كدلل في وليداتها في عينيها راه باقين صغار واخ هوما ولاو رجالة...تتخاف عليهم و الا غير مباتوش في الدار و معلموهاش مكيجيهاش النعاس

نطق ميراث مخاطب مو : مال نرمين

لالة فتيحة : خاصها شي قتلة تاع العصا هاديك مبقات تحشم مبقات تمرݣ بزااف على ضسارة

ميراث : الوليدة ديرو ليها شوية الخاطر

لالة فتيحة غوتت بالجهد : أدييك البعلووكة تعاالي تااكليي ولا نجي ناكلك

ضحك ميراث مخاطب نعمان : هههه الوليدة باقي عندها السوفل في الغوات

نعمان : ههه و كون تشوف معيا انا و لوخرين

طبطب ميراث على كتافها و ناض ناطق : انمشي نهدر معها الوليدة غير تهدني صافي

لالة فتيحة : فقصتني اولدي...سير جرب حظك معها

تحرك بإتجاه البيت و دق الباب و حلو ... كانت مريحة على الناموسية و مربعة رجليها و قودامها البيسي تتفرج في صطوريات  ، شافتو دخل و سدت البيسي و جمعت الوقفة ناطقة و عينيها في عينيه

نرمين : اش بغيتي

ميراث بنبرة هادئة : اش مقلقك اختي

نرمين : والو انا راني ما مقلقة من تاشي وااحد فهمتي

قصح شوية نبرة صوتو : جمعيي صوتك سمعتي...جيت لهنا على قبلك سمعتي و نتي تتغوتي و تخري عليا في عينيك

ضار عاطيها بالضهر و كمل كلامو : هانا غنمشي جيت غير نودعك حتاش غنغاذر المغرب

خرج و سد الباب من وراه و رجع ريح مع مو و خوه و هكدا دوز معاهم دوك جوج سوايع لاهي خرجت من البيت ولا هو رجع عندها دواها
شاف في الساعة لي في المعصم ديالو و نطقت واقف

ميراث : احم  الوليدة خاص نمشي داب

لالة فتيحة : بات معنا اولدي عفاك

ميراث باس على راسها : منصيبش الوليدة اسمحي ليا مرة اخرى

سلم على نعمان سلام روجولي و نطق : يلاه معيا للوطو جبت معيا شي تقدية

نعمان : عذبتي راسك العشير مكين لاش

نعمان : عذبتي راسك العشير مكين لاش

ميراث : مجاتش نجي بيديا خاوين

لالة فتيحة : الحمد الله غير مني جيتي نتا اولدي

خرجو كاملين لعند طنوبيل...هز نعمان داكشي من الكوفر دخلو و ميراث عنق مو كيودعها عاد جا نعمان و توادعو عوتاني...ركب في اللوطو دار مرشاليار و يلاه غيديماري تكتبان ليه نرمين في الزاجة تتشير و دموعها نازلين و تابعة اللوطو

وقف اللوطو و نزل منها و مشا لعندها معنقها و خشيها بين ضلوعو...شد وجها بين إيديه الكبار و مسح دموعها ناطق

ميرااث : البكاية صافي ششششووشش

بقات كتشهق محاولة تحبس البكا و نطقت كلامها مقطع

نرمين : سمححح لياا اخويا...انا تنبغيك بزااف متمشيش و تخليني

ميراث : انا مضطر نمشي احبيبة ديال خوها و لكن كنواعدك غنرجع في أقرب وقت ازيني متافقين

شافها ساكتة و نطقت مأكد : متافقييين ياااك

حرك ليه راسها بالايجاب و هز راسو في نعمان مخاطبو : نعمان واعدني تهلى فيها هي و الوليدة أمانة عندك صاافي
حرك ليه نعمان راسو بالموافقة و هو مشا للوطو جبد منها واحد المحفظة و مدها لنرمين لي شدتها باستغراب

ميراث : شوفي اش فيها

حلاتها و كانو فيها جوج روايات و تيلي جديد بالبواطة ديالو و صورتها معااه و صورتها مع جبران لي كانت نساتها في الدار بالاضافة لأوراق ديال الرسم و فرشاة مع الالوان و مذكرة مزخرفة بالذهبي مكتوبة فيها عبارة عميقة كتلخص الحب ديالو لختو

🏵️ وردتي الحمراء تتفتح يوما بعد يوم لكنني لا أسقيها سوى الحب 🏵️

عنقاتو و هو الاخر طبطب على كتافها
منساحب راكب في اللوطو و مديماري للوجهة ديالو...

#يتبع