جموح الغضب

33

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ³³ ☠️

بمرجد ما لمسو أطرافو الارض حس بقوتو رجعت تتنبض من جديد و كأنه رجع تخلق من جديد ، أيبدا في الخطة ديالو ، غيحاول يستغل الوسامة ديالو باش يأثر عليها و هو مجايب للدنيا خبار بلي راه ديجا واحد بالوسامة ديالو و المكانة المرموقة مقدرش يسرق قلبها ولا حتى إهتمامها الكامل ، و اصلا هي ماشي من النوع لي كيشوف المظهر بالنسبة ليها المعدن الخارجي غير طلاء ، بحال مثال شي طموبيل و صبغتيها تقدر تبان جديدة ولكن الا شفتي المحرك ديالها تلقاي مييت

هاكدا هي لحد الان يقدر إلياس يظن بلي راه بدات تتنجاذب ليه ولا كتحس بشي مشاعر من توالو ، بينما هي من جيهة اخرى مستغلاه غير على قبل خوها ، واخ خسرت العلاقة لي بيناتهم و خلاتو يتقلق منها ولكن راه تا هاد التخاصيمة جزء من الخطة ، هي متقدرش تكول لجابر كاع داكشي لي في بالها و لي ناوياه و في نفس الوقت راه مستحيل تكوليه حقيقتها و بأنها ضد العدالة لي هو كيمثلها ، واش يغفر ليها الى عرف بلي هي جزء من ديك العصابة لي سنين و هو الهدف الوحيد ديالو يلقي عليهم القبض ولا يلقى غير شي راس الخيط و في كل مرة بلاما يحس هي لي كانت تتزيد تبعدو على هداك الهدف...ايه مستحيل يسامح ليها و هادشي نيت لي مخليها مضطرة تبعدو شوية بينما رسات أمورها و ديك ساعات اتمشي برجليها لعندو و تصالح معاه و هي عارفة أن قلبو حنين و ميقدرش يبقى مقلق عليها بزااف

" إيفري " مستاعد يدمر الكون على جالها و غير تكون ملكو و يطبع فيها الملكية ديالو ، بينما " جابر " مستاعد يدخل للجحيم و يكون هو الحامي ديالها من داك الشر...واش الاعداء يقدرو يتاحدو ؟؟ اه يتاحدو الى كان الهدف واحد و هنا الهدف لي ايكون جامع جابر بي ميراث سميتو * رنيم *

مندركوش الشمس بالغربال ، قوة شخص بشري ماشي هي قوة ولد إيفرست لي متبوع باللعنة العضمى ، لعنة غيبت مو و غيباتو هو و مزال أتبقى تابعاه تال ليوم الدين ولكن كل لعنة و عندها حل ، كيفما كل موشكيل عندو حل
و الحل ديال هاد اللعنة تاهو كان مخزون وسط السطور بين تنايا داك الحيط لي حامي الغرفة من أنظار اي بشري

[ لعنتك يا إيفرست ستعصف بك و بما تحمل بطنك و إن حُقِق المراد الذي يدعو إلى التضحية بدماء عذراء نقية الشرف و قوية العزيمة و الشهامة و في وجهك وحشك صامدة لا تخف ، فسيكون للجحيم رأيا اخر و سيكون القدم ضاحكا لك ]

يعني البنت لي غتقدر تفك اللعنة هي اي مغتخافش من إيفري مني تشوف حقيقتو كوحش و غتكون ذات عزيمة تاشي موقف ميقدر يحطمها و تكون نقية الشرف و هو مني فاق الافعى لي طرحت عليه هاد الاسم و هادشي كان قبل متشوف تاهي جابر لي سكن كيانها الداخلي و مبغاش يخرج من دماغها

غيضحك القدر لإيفرست و ولدها و لكن واش غيضحك لديك البنت لي غيتم إستغلالها و واش غتكون هي رنيم لي داب عرفتو حقيقتها ؟؟

#يتبع🚶🚶

هاني فرشت شي حقائق