جموح الغضب

31

🔆 جــمــوح الــغــصــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ³¹☠️

بمجرد ما يحط عينو على شي حاجة فكيبغيها تكون ليه...بالساهل عليه يمشي برجليه و يجيبها لعندو و يقدر كاع يدخلها للعنة ديالو و تولي معاه و ميقدرش ديك ساعة شي واحد يفرقهم
ولكن الهدف ديالو مبدل بزااف على لي كنظنو ، مباغيش غير انها تكون ليه بل باغي يعيش معها الواقع المر ديالو...خلاصة القول انه باغي يخرج من هاد الظلام لي وسخ ليه حياتو و السبيل لهادشي " هي "

وقف تيمشي و يجي في بلاصتو حتى لقا الحل و غوت بصوت مرعب منادي كاع العلماء لعندو و هوما بمرجد مسمعوه جاو يجريو و الترعيدة شاداهم من صبعهم الصغير حتال الكبير ، حاضرين راسهم كيف العادة منتظرين اش غيكول

زمجر بصوتو المتوحش ناطق : غتوجدو ليا العينة البشرية ، غنديرو تجربة داب

نطق احد العلماء بتقفقيفة : سيدي ولكن راه خطيرة تقدر متنجحش

حمر فيه عينيه و غوت تا قفزو : كلت داب هي دااااب تسمع

العالم : واااااخ سيدي

نساحبو العلماء و بداو يوجدو في المعدات و الالات لي أيحتاجوا
و كلهم رعب و خوف من الافعى لي مبغاتش تخسر العينة و خوف كبير منو تاهو لي غيقتلهم الا مداروش بأمرو

من بعد نص ساعة تقدم عندو احد العلماء ، عالمو بلي كلشي موجود و خاص غير هو ، مشا معاه و دخل ، بدل حوايجو و ريح على الكرسي و بدون بنج بداو في شغالهم

اول حاجة داروها انهم ربطوه بالسناسل و ماشي اي سناسل قوية بزاااف و متتقطعش بسهولة ولا حتى بصعوبة
من بعد قامو بتنظيف الجسم ديالو بالماء الساخن ، تقدمو ثلاثة العلماء و هوما هازين أباري كتحتوي على العينة و بحدر بداو كيدخلوها ليه في كتافو ببطئ و هو كيغمض عينيه و كيضغط على السناسل باش يقدر يوقف

من بعد مني قدرو يخشيوهم يخشيوهم كاملين ، سارعو للخروج من الغرفة و كل واحد فيهم مخلوع من النتيجة و كيخمم في العقاب الوخيم لي مستنيهم الا فشلت
بقا السكون عام المكان لعدة لحظات حتى ظنوا انه مات ولكن سرعان ما ظنهم خاب و بان ليهم الباب كيتفتح معلن على الخروج ديالو و هو بصفة أخرى

دخل وحش و خرج بصفة....

#يتبع
🙂واش نمحي القصة مالكم على هاد التفاعل هههه