🩸☠️ جموح الغضب 🩸☠️
✍🏿 بقلمي : خديجة كابي
☀️ حتى الشمس ستكسر القانون و تشرق من مغربها لتعلن النهاية ☀️
💄 الجزء العاشر 💄
ناضت واقفة و راسها حاضراه للأرض تتفرك في صبعانها بخوف كبير منو ، شكون هاد الشخص و علاش خطفها و اش باغين منها ، ياكوما غيقتلها ولا يغتاصبها و علاش هي بالدات فاش أداتو و اش دارت ليه تيدير ليها بحكا ، كاع الافكار السيئة نزلو في دماغها
اما هو فلاحظ خوفها الكبير و مكرهش كون معمروا ضطر يطيح في هاد الموقف ديال انه يخطف ختو باش يشوفها
ختو لي تحرم من شوفتها و تمنع من طرف وليديه بأنه يقيسنا لانه خطأ في مرحلة المراهقة ديال و كان يقدر يتسبب ليهم في فضيحة لولا الملايين لي خسر عليه باه و من تماك مبقاوش شافوه
ديك الوقت كانت الام ( لالة فتيحة ) يلاه حاملة و في شهر الاخير ، و هو اكثر شخص من بين خوتو كان كيتسنى في ختو تحل عويناتها في الدنيا و يشوفها و يهزها بين إيديه ، ولكن العائلة تبرات منو و نفاتو...هادشي محطموش و إنما دمرو كليا و سرعان متبدل من شخص ضريف و ضحوكي و عزيز عليه يعيش لشخص قبيح و ضالم و ممعاهش الضحك و قدر في سنوات قليلة يدير بلاصتو بين الطبقة البرجوازية
قرب ليها بخطوات بطيئة و طبطب على راسها حتى بدات تترفع فيه عينيها ببطئ ، شافت فيه و تكلمت بخوف واضح
نرمين : علاش جايبيني لهنى واش ناوين تأديوني
بقا تابت في بلاصتو و هو مجاوبها على هدرتها : تقدري تخافي من العالم كامل يأديك الا انا اختي الصغيورة
مسمعتش الكلام لي قال الا ديك الجملة " اختي الصغيورة " بقات كتردد في ودنها و خلاتها تعاود تنطق
نرمين ( بصدمة واضحة و تتقفقف ) : ك..كيفاش..ش
ميراث ( بإبتسامة ) : كيف سمعتي ، مع الوقت اتعرفي كلشي اماي سيسترز
نرمين ( محستش بدموعها لي خانوها ) : رجعوني عند وليديا ايكونو مشوشين عليا بزاف
متلقات من عندو تا رد مناسب و هادشي خلاها تخطاه متوجهة للباب الفيلا و حالة الباب ناوية تخرج و مع اول خطوة تجرت من دراعها ، راجعة للخلف و واقفة أماموا هو لي مخنزر
ميراث : اخر مرة تفكري تعفطي برى هاد الباب ، فهمتي ؟
نرمين : بغيت نمشي بحالي ، نتا ماشي خويا و كيفاش خويا و معرمني سمعت بيك
ميراث ( بنظرات جامدة ) : ماشي مهم تسمعي بيا الاهم انك داب مع خوك و بأمان
نرمين ( بالدموع شلال ) : ولكن انا داب متنحسش بالأمان و الراحة
جرها ببطئ من دراعها و دخلها للبيت و دخل معها ، بركها على طرف سرير و برك بجنبها و نطق و هو ماسك إيديها الصغيورين ين إيديه إيديه الكبار ، أما هي مهبطة وجها و مكيتسمع غير صوت شهقاتها دليل على أنها تتبكي ، تعصب و مد إيديه مساك دقنها و رفع راسها لعندو و هو يلاحظ أطراس إيدين كبار على حنكها لي باقي حمر و نطق مسولها
ميراث : شكون دار فيك هادشي
نرمين ( بتنخصيصة ) : هادوك لي صيفطتيهم يخطفوني ، مبغيتش نجي ليهم و طرشوني
#يتبع
أنت تقرأ
جموح الغضب
Roman d'amour🔥 حـصـريا عـلـى الـمـاريـخـوانـا🔥 🔞🌬️ جــمـــوح الـغــضــب 🌬️🔞 ✍🏿 بقلمي : بارونيسا [ خديجة كابي ] فـخـامـة الـعـنـوان تـكـفـي ذنبي أنني كنت غزالة ضعيفة لا تجيد الدفاع عن نفسها حتى أَصبَحَت فريسة للمفترسين وحتى للصيادين حيوانات كانو أو بشر...
