🔆 جــمــوح الــغــضــب 🔆
✍🏻 بقلمي : خديجة كابي
🪐 حٓتٓى ٱلقْمٓر إِخْتٓبٓأْ عٓنِ ٱلظُهور في لٓيآلِي إيفْرِسِت المظلمة 🪐
☠️ الجزء ³⁹ ☠️
هاد الأخيرة لي كانت بدات تتحس بالنعاس ، حتى قفزت من بلاصتها و هي تتسمع الدقان
قدات شعرها و تربعت فوق ناموسية و حنحن عاطية الادن بالدخول ، تكتبان ليها بنت في مقتبل العمر داخلة و هي حاضرة راسها ، كانت تضنها غير الخدامة ، تا شافتها سدات الباب و رجعت عندها ، هزت فيها راسها بإبتسامة و نطقت مرحبة بيها
نرمين : سلام ، انا نرمين أخت ميراث الصغيرة ، مرحبا بيك عندنا
تصدمت كيفاش هو عندو ختو و كلشي عارف عليه بلي هو شخص يتيم ، كلشي كيظنو بلي ولد الخيرية الا هي داب لي عرفت حقيقتو
رسمات ابتسامة خفيفة على وجها مجاوباها : ترحب بيك الجنة ، انا رنيم ( مدت ليها إدها ) تشرفت بيك ا نرمين
بادلتها السلام ناطقة هي الاخرى و بنفس الابتسامة دائما
نرمين : احم نتي فين تتعرفي خويا
رنيم ( بجدية ) : الباطرون ديالي
نرمين : اممم هكاك فهمت
رنيم ( بإستغراب) : كنتي تتظني بيناتنا شي حاجة
نرمين : اه صراحة هههه
رنيم ( تفرشخت بالضحك ) هاها لالا ازين انا و خوك كيف الماء و النار منقدروش نتلاقاو
نرمين : ايه بصح خويا شوية غامض و عصبي و ولكن كيبقى ضريف بزااف
رنيم : معرفتش ههه ايسمعنا يصحبني غير كنعاير فيه ههه
نرمين : لالا متخافيش
رنيم : المهم زين تقدري تعونيني بغيت نهبط للجردة شوية نشم غير الهواء النقي، تخنقت شوية هنا
نرمين ( حركت راسها بالموافقة) : واخ يلاه
شدت منها رنيم بحظر و خرجو مع الباب و تماو نازلين مع الدروج ، حتى تصادفو معاه جاي طالع كيمسح وجهوا بفوطة و حاضر راسو و مع هزهم طاحو عليها نيشان و بقا ساهي بعينيه ، حتى قرن حجبانو و نطق ضاغط على مخارج الحروف و هو مخاطب نرمين
ميراث ( بصوت روجولي ) : سييري لبيتك ، متبقايش تزيدي من راسك هاد المرة أ نرمين
#يتبع
أنت تقرأ
جموح الغضب
Roman d'amour🔥 حـصـريا عـلـى الـمـاريـخـوانـا🔥 🔞🌬️ جــمـــوح الـغــضــب 🌬️🔞 ✍🏿 بقلمي : بارونيسا [ خديجة كابي ] فـخـامـة الـعـنـوان تـكـفـي ذنبي أنني كنت غزالة ضعيفة لا تجيد الدفاع عن نفسها حتى أَصبَحَت فريسة للمفترسين وحتى للصيادين حيوانات كانو أو بشر...
