جموح الغضب

68

🌸 جمــوح الــغضــــب 🌸
✍️ بقلمي : خديجة كابي

🎭 بوجه جديد... سنبدأ الملحمة النهائية 🎭

🗽 الجزء ⁶⁸ 🗽

• عند رنيم •

باركة في المكتب و قدامها بارك جابر و حداه في الفوطوي مرام ، علمات الاستغراب و الصدمة من وجود مرام هنا كانت واضحة على وجهو و باينة أن هاد الموضوع مغيخرجش على خير ولكن معندها تاشي حل من غير أنها تكوليه الموضوع بلي فيه و هو يقرر قرارو و هي لي في بالها متهناش تا تنفذ جد بوه

نطقت بصوت جدي و إيديها مشابكين مع بعضياتهم و عينيها في عينيه

رنيم [ بنبرة هادئة ] : خويا نتا معارفش علاش انا جمعتك نتا و مرام ليوم ياك

حك على ذقنو و دور عينيه بينها و بين مرام ناطق بنبرة روجولية خشنة : مزال معارف والو و باغي نعرف...اشنو نوع العلاقة لي جامعاكم اممم

رنيم: احم أنا و مرام صحابات من ليامات الليسي و جامعانا خدمة مهمة بزاف

جابر [ بإستغراب ] : اشنو نوع هاد الخدمة أ رنيم

حنحنت و شافت في مرام لي هزت ليها بالإيجاب و رجعت عينيها في عينيه و نطقت بجدية كيف العادة

رنيم : الوليدة كانت عالمة كيف عارفين و كانت خدامة في واحد المقر مجهول تاشي واحد معارفو...في واحد النهار جاتني رسالة من عند شي رقم مجهول و عاطيني فيه عنوان بعيد و كاتب ليا جريدة على قدها كدوي على ماما انا استغربت كيفاش هدا كيعرف عليها كلشي و جاني الفضول نعرف شكون هاد الشخص...مشيت لداك العنوان و لي كان بعيد في الولايات المتحده الامريكيه سميتو جبل إيفرست و بقيت واقفة تماك تنبري على الباب و تلاقيت مع مرام لي مشات دير رحلة استكشافية و بقينا كنبقشو تا وركنا على واحد الزر و تحل الباب لي على شكل مصعد كهربائي...ركبنا اخويا فيه و طلع بينا شي مدة 5 دقايق و تماك طراو شلا حوايج مافيا لي يبقى يعاود

الصدمة هي العنوان المناسب للملامح تاع وجهو...مصدوم من ختو و في هاد المقر لي تدوي عليه و مصدوم في مرام لي مقالت ليه والو وبلي تتعرف ختو حس بلي خانتو و خبات عليه أسرار متعلقين بيه و بختو...دور وجهو لعندها و لقاها هي الاخرى تتشوفيه و قلب وجهو مخنزر فيها و في هاد المخلوقة لي قدامو و لي خرج منها العجب...

نطق بعصبية : هادشييي كاامل وااقاااع و اناا مافيي خباااريش دويي

رنيم : سمح ليا اخويا غير مبغيتش نشطنك و صافي و اصلا معندي منكوليك الموضوع معقد

ضرب بالقبضة ديال إيدو على المكتب قفزهم بزوج و وقف ناطق : اشششش سمحح لياا و لااا البعررر و اششمن تعقييد علااش داااوية اممم واااش نتووما خاارج لجدد بووكم العقل

شاف في مرام و توجه لعندها جرها من دراعها تا تزدحت مع صدرو و نطق تحت سنانو مشدد على كل كلمة

جابر : حساابي معاااك هوو اللخررر أبنتيي

دفعها رجعت باركة على الكرسي و خرج خابط الباب...تنهدت رنيم و شافت في مرام لي العصبية واضحة على وجها

رنيم : تهدني أصاحبتي موقاع والو تانتي

مرام : واش نتي مريضة في كرك فرشتي كلشي

رنيم بابتسامة : لا مزال مكلت ليه على إيفري و زامارسو

مرام خرجت فيها عينيها : واش ناوية تعاودي ليه عليهم وااش خرج لجد بوك العقل ولا متكسابيهش اصلااا

رنيم ببرود قاتل : عشيرتي راه معندنا منديرو غيعرف سوى ليوم سوى غدا... فهمتي

مرام : اش غنديرو داب مع إيفري مبقاتش بزاف ديال الوقت ، عندنا خمسيام أعشيرتي بالحساب

رنيم شارت بصبعها لجهة وجها المخصر : شفتي الوحش الحقيقي غيبان و إيفري غيخلص للأسف

مرام بتاسمت بشر : معندنا منديرو ليه جا في الطرييق ههههااا

رنيم : نوضي نمشيو نقضيو الغراض عيت البروك و السبيطار قضى عليــا اوووف

#يتبع