جموح الغضب

32

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ³²☠️

دخل وحش و خرج بصفة إنسان ، بمجرد مشافوه العلماء ترسمت الابتسامة على وجههم و خرجوا متوجهين عندو ، بينما هو بتاسم بشر و غوت بجهد و كيضحك بهيستيرية و رافع إيديه الفوق

إيفري : هاهاها وأخيرا أنحقق المراد...هاهاها و اخيرااا رنيم أتولي ليا اناا بوحديي بوحديي

جمع إبتسامتو و شافيهم بحدة ناطق

إيفري : من حسن حظكم انها نجحات ، داب اتوجدو ليا كاع لي نحتاج باش نمشي نجيبها

تقدم أحد العلماء هاز بين إديه مجموعة من الأوراق ، مدهم ليه و رجع بضع خطوات للخلف ناطق

العالم : سي إيفري هادو هوما الأوراق لي أتحتاج ، حنا وجدناهم لك تحسبا لهاد النهار

تبسم جنب راد عليه : اممم صافي هكدا حسن ، انمشي داب نيت

تقدم خارج مع الباب و كيشوف في الوراق لي كان من بينهم بطاقة التعريف الوطنية ، تقدم و هو حادر راسو و مع رفعوا ضرب فيه البرد ديال القمة لي كتساتها الثلوج البيضاء و زادت المنظر جمالية ، توعد لراسو بأنه المرة الجاية يشوف هاد المنظر مع رنيم لي باغي يشوفها بفارغ الصبر...تحرك غادي مع لاسانسور لي كيهبط من القمة للأسفل بسرعة فائقة و هاد اللاسانسور ميقدر يلقاه تاشي حد من غير العلماء لي عارفين بلاصتو ، يعني مخفي على الانظار كيفما المقر كيتخفى بالثلوج عن الانظار كاملة

طلع و ورك على البطونة و في نفس الوقت قارن حجبانو من الأفعى لي بسرعة البرق كانت تسللت تاهي داخلة

قرنت حجبانها هي الاخرى ناطقة بغضب : بسبابك انا خسرت داب العينة لي شحال و انا تنبري عليها

بتاسم بغضب : اممم اش كنتي بغياها

الافعى : ماماك كانت تقدر تفيق بسباب هاد العينة

إيفري بمكر : مزيان مني مخليتهاش لك

الافعى بإستغراب : ياااك كيفاش مباغيهاش تفيق

إيفري ببرود : ايه تماما معندها لاش تفيق

الافعى : واخ داكشي لي دارت ولكن تستحق فرصة

إيفري : انا تعاقبت بسبابها بشي حاجة مدرتهاش

الافعى : تاهي خادت العقاب لي تستحق

إيفري : ولكن انا الخاسر فهادشي...حسن تسكتي و متفكرينيش

حطت إديها على كتفو و نطقت مكملة هدرتها : رنيم ماشي ليك ، كاين لي يقدر يدمر العالم على جالها

إيفري بغضب : شكون هدااااا دويي

الافعى ببرود : نقدر نكوليك بلي أنا أول شخص أندافع عليه و الا حولتي تقرب ليه انتواجهوا

إيفري بابتسامة إفستفزازية : اممم هههه جاابر

الأفعى : تماما أسي إيفري

إيفري ببرود : ندمر أي شخص سمعتي ولو يكون خوها ، مغنسمحش لشي شخص يمنعني نبعد عليها

بغات تنطق و حبسها صوت لاسانسور لي كيدل على التوقف

نطق و هي مستعدة للخروج : غنشوفو

خرجت و ركبت في اللوطو ديالها لي كانت قدام الباب بينما هو بقا شخال عاد تقدم ببطئ و كيشوف في الجو كيف داير و بتاسم بشر ناااطق بين سنانو

{ كيف سيمنعونني من إحتجاز القمر ، فحتى الشمس هزمت أمامي }

#يتبع