جموح الغضب

80

🎭 جموح الغضب 🎭
✍️ خديجة كابي

✨🔥 ألـــم كـبيــــر....وجــــرح لا يـــشــفى 🔥✨

🦩الجزء ⁸⁰ 🦩

كلامها فاهمو و عارفو مزيان ولكن كيفاش بلان مها كانت من علماء جبل إيفرست ، بغا ينطق ولكن سبقو الظل و تقدم ناحيتها ناطق لأول مرة

إيفرست : نـرهــان

رنيم ببرود : ايه ماما نرهان راه هي ماما

كلست القرفصاء أمامها و نطقت : متأكدة نتي بنتها

رنيم : علاش غنكدب زعما

إيفرست بدات تدوز على شعر رنيم ببطئ ناطقة مع ابتسامة : تتشبهي ليها تاهي كانت بنفس الملامح و القوة و البرود ديالك

إيفري : منين تتعرفيها و كيفاش نطقتي

إيفرست وقفت متوجهة لعندو : يصحاب لك زيزونة أولدي ، مكان عندي منكوليك و انا تنشوف في عينيك غير الحقد و الكره من توالي ، كيفاش بغيتيني ننطق و انا خايفاك غير تقمعني و داك الوحش الداخلي يتهور و يقتل مو...كان عندي شلا كلام و مزال عندي شلا كلام ليك ولكن ماشي داب تنخرجو من هنا

إيفري بإستهزاء : فين غتخرجي و فين غنخرجو بقات يومين و غتسد الغرفة باللعنة عوتاتي و غنبقاو بثلاثة بينا ( غمز رنيم )

إيفرست : و الا كلت ليك بلي عندي حل باش نخرجو

إيفري : الحل بان حتى جات هاد خيتي علاش مكانش شحال هادي

إيفرست شافت في رنيم و نطقت بجدية : باش نخرجو محتاجين لك ولا باش نفكو هاد اللعنة محتاجين لك ضروري

وقفت متوجهة ليهم ناطقة و هي تتخلخل صباعها في شعرها : مرحبا اش يمكن ليا ندير

إيفرست : محتاجة الدم ديالك

رنيم باستغراب : دمي العادي ياك ولا

قاطعاتها : لالا غير دم عادي ، تقدري تجرحي صبعك ولا إيدك

رنيم بتفهم : واخ الا كان بحال هكا مرحبا

مد ليها إيفري زاجة و شدتها بالزربة دوزت على المعصم ديالها فين تتركز أكبر كمية من الدم و جرتها إيفرست عند الباب تاع الغرفة و في إيديها ريشة تتكتب شي كتبة في داك الباب و لاهي لا إيفري فهمو اش تتكتب و مع كتبت ٱخر حرف بدا واحد الشعاع تيتضفق من الباب لكاع الجدران و بدا داك الظلام تيمشي غير بوحدو ، بشوية بشوية بدات تتوضاح الرؤية و بانت قدامهم مرأة في مقتبل العمر و شعرها الطويل الكحل في جنابو شوية الشيب مزينو و كسوتها شوية بدات تتوضاح عليها اثار القدم ، أما إيفري فكان حكاية اخرى ، داك النور لي تدفق في الحيوط رجع تجمع فيه و الوجه المتوحش ختافى ، الهيأة ديالو كشخص بشري رجعت على كيف كان نهار الاول قبل اللعنة

بتاسمت إيفرست و جرت ولدها معنقاه في الحضن