جموح الغضب

30

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور في لٓيآلِي إيفْرِسِت المظلمة 🪐

☠️ الجزء ³⁰☠️

جبل إيفرسِت معروف بالعلو ديالو فقط ، ولكن رغم الشهرة ديالو بالقمم المميزة إلا أنه مخصوص من الزوار ، تقدر تلقى عدد الزوار في السنة غير 15 واحد ولكن العجيب في الامر أنه ولا واحد فيهم خرج من الجبل يعني لي جا مكيخرجش...الشرطة الدولية مزال ملاحظتش هاد الأمر و متوصلتش ولو بشكاية عن إختفاء شي أشخاص في هاد المنطقة و هادشي كيزيد الشكوك

الليلة مميزة عند العلماء المجنونين هي يوم خروج ابن إيفْرِسِت من الغرفة ديالو لي كيدوز ليام و أعوام فيها و كيخرج من عامين لعماين بالحساب و هادشي من وراه سر غريب بعض الشيء
ديك الغرفة لي محاوطاها هالة سوداء كدل على شي شر عظيم ، محظورة على الجنس البشري انه يقرب ليها أو يفكر يقرب ليها

و هادشي لي زايد من الفقصة تاع العلماء ، كل واحد فيهم و أشنو الهدف ديالو وعلاش باغي يشوف المحتوى ديال الغرفة لي الشكل الخارجي ديالها كيجلب ليك الرعب و كيهرب ليك خاطرك منها غير من خلال ديك الكتابات لي بالخط الاحمر خط مكتوب بالدم و عليه جملة ملعونة مفادها كالاتي

|| يا إيفْريسِت متى يضحك لنا القدر و تجتمع القلوب لتعلن ظهور مولود الحقبة الجديدة ||

و هاد الجملة بالدات معمر شي واحد قدر يقراها ولا يفكر حتى انه يشوفيها بعينوا المجردة خوفا من ظهور إيفرست اللعينة

• اليوم الموعود ، وكيف العادة ابن ملكة الجبل مغيخرجش غير على الخاوي بل غيرخرج يا باش يدمر كيف عادتوا يا باش ياكول يا باش يشوف اش صاري في غيابو او انه يشوفها هي لي داخل كيانو ( عقلو زعما ههـ )
دارو العلماء الصف و حانين رأسهم بإحترام ليه ، اما هو فتوجه مريح على الكرسي المزخرف و لي كان مخصص للزغيمة الكبرى ، طلع عينيه الحمرات و نطق و عينيه رامقين رئيس العلماء بنظرات غريبة و ممفهوماش : فين هي لي كلت اخر مرة اممم

نطق رئيس العلماء و الخوف متملكو : سيدي ، الافعى أمرتنا أننا نبعدو منها

بسرعة البرق كان ماسكو بين إديه العراض و كارز عليه ملصقو مع الحيط و ظفرانوا قريبو يتقبوا ليه عنقو...نطق بغضب واضح : كنفيق من عماين لعماين و كنوصي على الحاجة و دوز مدة و متحضرهاش لاش اتبقا عايش لاش صالح

الرئيس مبقاش قادر يتنفس ولا كيهدر بصوت متقطع : الافع...عى..هي هيي لي كا..لت...لينا

وقبل ميكمل هدرتوا كان داك الوحش الدموي خشا فيه ظفرو لي تحول للسيف حاد و قطع ليه مصارنو مخلي الكل عايش لحظة الرعب و الخوف منو...نطق و هو كيمرر عينيه على كلشي و في نفس الوقت كيغوت باش تدخل ليهم هدرتوا مزيااان

ابن إيفرست : لا الافعى ولا غيرها غيبعدهااا عليااا فهمتو ، سوى ليوم سوى غدا ، نتوما عارفين كنخرج من عامين لعماين و كنبقى فايق لمدة شهر فقط ، يعني نبغيكم غدا تجيبوها ليا فهمتو ( غوت بتأكيد ) فهمتووووووو

حركوا ليه راسهم بفهم و نساحبو مخلينو كيضحك كيف شي شيطان و كيتوعد لأي واحد حاول انه يبعدها عليه بالجحيم و كشفاش مغيتسماش جحيم و هي غير شوفتو كثر من الجحيم بداتو...

#يتبع🚶
اودي على الخيال العلمي كيف داير
وداب كولو ليا هادشي ميصطيش اشنو قصة ولد هاد ايفرست و لاش جاي مصدعنا و شكون هادي لي باغيها ليوم قبل غدا اممم