جموح الغضب

23

☠️🩸 جموح الغضب ☠️🩸
✍🏿 بقلمي : خديجة كابي
☀️ حتى الشمس ستكسر القانون و تشرق من مغربها لتعلن النهاية ☀️

🔸 الجزء ²³ 🔸

ليوم دكرى مهمة بالنسبة لرنيم و حتى جابر اما حتى سي رضوان فراه كعما متدكرو أو من الاساس كعما مسوق...يوم وفاة أم دراري لي من نهار غادرت الام ديالهم الدنيا حتى الفرحة غادرت معها الفيلا و أسرة المجدولي عامة

الام بحال شي شجرة عالية كتحمي دوك الفريخات و العصافير من الشتاء و الطيور المفترسة...الام هي لي كتحمي ولادها من معاناة الدنيا لي ميقدرش الاب يكون على دراية بيهم ، كتكون هي الرفيق و هي الصديق وقت الضيق و هي داك الصوت الداخلي لي كيكوليك متحزنش انا معاك
ميعرف بي قيمة الام غير لي ماعندوش...الناس غدارة ميحسوش بيك ، نهار تحتاجوا يجي يمثل دور الصديق و ورى ضهر إبليس يطلب منهم العفو...مركب ماصك الديب و يدير فيها خووك...الدنيا كدابة و هي راه ماشي مك باش تحن فيك العكس هي عاد مكتزيد تخورك و تقهرك ...كل واحد كيتقاتل على قبل راسو باش يعيش ... واحد ياكول لاخور باش ميتسماش ضعيف وبلي الحياة كانت قوى منو...

متكونش نية و تصحاب بلي كاع الناس ليك راه صديق ، كالو ليك مني تكبر راه غتسنى مداز عليك في صغرك كوليا واش نسيتي داك الجرح لي ترسى ليك في دماغك اممم مغتقدرش حتاش الجرح صعيب يبرى و لي سببو ليك ماشي بالغريب

- جوج خوت من غير بعضياتهم مكينش لي يحن فيهم ، هو معندوش من غير ختوا و هي معندهاش من غير خوها و بين اللحم و الضفر ميدخل غير الوسخ كيف كيكولو

~ فاق في الصباح بكري و هو متفكر هاد النهار لي كل عام كيتسناه بفارغ الصبر ، خرج و هو مأنتك على الحالة و بجنبو ختو حبيبتو لي تاهي بدورها كانت على الجمر و كتسنا هاد النهار همتا يوصل

ركبو بجوج في اللوطو ديال جابر و توجهوا أول حاجة لمتجر الزهور ، شراو لي خاصهم و منساوش الماء زهر تاهو...و كملوا بوجهتهم للمقبرة لي مدفونة فيها العزيزة على قلبهم و الحنينة عليهم و لي مكرهوش بجوج كون يتبعوها و كيدعيو ليها ديما بالجنة ، معمرها مشات من بالهم و لا عمر الوصايات دياولها نساوه ديما غادين بالنية و راضين البال من الغريب و حاضين جنابهم من طاسياتهم هوما اللوين حتاش التقة مكيناش تافي خوك...

تنهد و سايك كيشوف قودامو و كاسر داك الصمت بصوتوا الهادئ

جابر : ختي باش تتحسي

رنيم ( بنفس نبرتوا ) : بالحزن

جابر : علاش

رنيم : حتاش حنا باقين عايشين و هي لا

جابر : بغاها ربي اختي معندنا منديرو

رنيم : و حنى همتا أيبغينا

جابر : العلم لله ، خوي بالك من هادشي و فكري معيا فين تبغي نمشيو من ورى الزيارة

رنيم : نمشيو للمزرعة توحشت العود ديالي شحال مبقيت طليت عليه

جابر : ميكون غير خاطرك وراني موجد ليك مفجأة نيت

رنيم : اشناهي زعما متكولش ليا

جابر : ممنوع راك عارفة ههه مفاجأة كتبقى مفاجأة

رنيم : صافي اسيدي نصبرو تنشوفو اش موجد لينا

زاد في السرعة شوية باش يوصل دغيا عليه و هوما بجوج متجاهلين الاعين لي عليهم و لي مراقباهم مند خروجهم من الفيلا تال داب

#يتبع