جموح الغضب

65

♥╣[ جـــمـــوح الـــغـــضـــب ]╠♥
      ✍🏽 بقلمي : خديجة كابي

🍷زدني من النبيذ...لعل ابتسامة باهتة ترسم على وجهي 🍷

🦋 الجزء ⁶⁵ 🦋

هدرة كتجيب هدرة و الوقت كيدوز طيارة حتى لقاو راسهم في الفجر...ناضو تسالمو سلام روجولي و نطق ميراث بصوت مدعدع

ميراث : ديني للڤيلا مافيل لسوݣ

سليمان : ههه موالف تعرݣها ولكن كتبقى صاحي ولكن داب جوج كيســان جابو لــک الکـــاو

ميراث : طلعت ليا الدنيا في كري أعشيري

سليمان طبطب على كتفو : يلاه يلاه نمشيو باش ترتاح اعشيري و تأكد كلشي غيتقاد

كتافى بالصمت و زاد قدامو و الاخور وراه
لاح لسليمان السوارت و كلس في الكرسي مغمض عينيه و بقا هكدا حتا لقا راسو في الصباح الشمس ضاربة ليه في وجهو و معنكشاه ممخالياهش يكمل الغميضة و لقا راسو ناعس بحوايجو و السباط حداه
تنهد و ناض بثقالة كيحس براسو مدگدگ و مافيه لي يتحرك
دخل للدوش و حيد حوايجو و وقف تحت الماء و مع كل قطرة كتنزل عليه كيتنهد و فكرة كديه و فكرة كتجيبو...بقا هكاك حتى حس براسو شوية توگد و ولا بيخير و خرج لاوي عليه فوطة من نصو تحتاني
لبس حوايج سبورتيف عبارة على قبية نايك و سبرديلة من نفس الماركة و هز الكونطاكت و جبد من الكوافوز سلاحو دارو على الخصر ديالو و خبط الباب من موراه نازل للتحت
مشا نيشان للكوزينة و غوت على رئيسة الخدم لي جات عندو تتجري

ر,خ : ميسيو اش حب الخاطر

ميراث بجدية : الفيلا غتباع...ضبرت ليكم كاملين في خدامي جداد مغنخيش حقكم يضيع ( حنحن مكمل ) غتخلصو بصالير زوين ينفعكم نتوما و عائلاتكم...اي حاجة سمعتوها ولا شفتوها في هاد البلاصة بغيتكم ديرو ليها سيبريم من العقل ديالكم صافي
علمي كلشي بهادشي و مع 4:5 تاع العشية نبغيكم تخويو الفيلا

ر،خ : حاضر أميسيو...شكرا لك

هزهز ليها براسو و تحرك خارج...ٱمر ليكارد يتجمعو عندو و هادشي لي دارو نيت صطافو كدامو 6 الرجال لابسين الرسمي و اشمنك يا طولة و يتجريدة و السلاح في الخصر ديال كل واحد منهم

حنحن ميراث مدوز عينيه عليهم و في نفس الوقت كيدوز إيديه على الذقن ديالو

ميراث : امم بغيت نعلمكم بالقرار ديالي

دوى رئيس ديالهم بنبرة هادئة و حادر راسو باحترام : سمعا و طاعة أ الشاف

ميراث : الفيلا تباعت ، انا غنسافر من هاد المدينة لأمور شخصية ولكن غنبقى الزعيم ديالكم و بلاصتي مغتبدلش ، لي بغيتكم تعرفوه أنني غنختارر رئيس ينوب عليا في العصابة تاع "كازابورڤا "
هادشي لي كاين و داب تقدرو تمشيو نيشان للمقر باش نعلن على الرئيس المختار

هزهزو راسهم و تراجعو مغادرين المكان بينما هو رجع طلع للبيت و جبد ساكادو جمع فيه أمورو المهمة و الاشياء لي عزيزة عليه...و هو كيجمع طاحت بين إيديه تصويرة فيها هو و رنيم في أحد الحفلات بقى لبهرة ساهي في ابتسامتها البريئة و محسش براسو حتى بتاسم و سرعان موعى على راسو و جمع الضحكة مرجعها تخنزيرة و كمش الصورة و دارها في شاكوش
نزل و ديمارا اللوطو باتجاه سوبر مارشي...تقدى شي حوايج و شي خضرة و تخربيق و زاد محرك خارج من الدار البيضاء و من بعد ساعة كان دخل لواحد القرية نفسها القرية لي تزاد فيها و كبر فيها و كان كيلعب و يجري و يطيح على ترابها
نفس البلاصة لي حلف ميرجع يحط فيها رجلو هاهو داب راجع ليها و هادشي كامل على قبل « ختو نرمين »

#يتبع
كيفاش غيكون لقاء الخوت عوتاني