جموح الغضب

74

🌸 جمــوح الــغضــــب 🌸
✍️ بقلمي : خديجة كابي

🎭 بوجه جديد... سنبدأ الملحمة النهائية 🎭

🗽 الجزء ⁷⁴🗽

خنزرت فيها مرام معاجبها حال و تحركت بإتجاه اللوطو ناطقة
: زيدي تقودي من الهدرة

مشات تاهي تابعاها و ركبت في اللوطو مديمارية بإتجاه الفيلا لي تيمشي ليها جابر ( ماشي تاع سي رضوان )
خدمت أغنية هادئة و عينيها مع الطريق بينما مرام تكات شوية مغمضة عينيها و تتحس بالعيا
من الاصل هاد المشية هي بغاتها نيشان لجبل إيفرست ولكن مافيها باس تشوف خوها و منها نيت تودعوا مخافة تطرا شي حاجة غير متوقعة و يتخرب ليهم كلشي في الزيرو

نص ساعة بالحساب و كانت في المكان الموعود ، سكتت اللوطو مبلاصياها و دارت فيقت الانسة مرام
هبطو بزوجات متوجهين للباب و دقت رنيم ، حليهم جابر الباب و كان هاز في إيدو كاس قهوة كيرشف منو و عينيه مكانوش على رنيم بل على ديك البقعة من الجمالية لي وراها و لي مقدرتش تهز فيه عينيها
نطق ببحة روجولية و هو فاتح ليهم الطريق
جابر : مرحبا بيكم الغزالات

ميقت فيه رنيم : غزالات ولا أ غزالة وحدة اهمم

جابر خنزر فيها : كترت فيك قوة الفتاوي

دخلت تتفرنس و تتمختر في المشية مخليا وراها مرام لي مع بغات دخل حست براسها مردوخة على الباب لي سدو هو برجلو
مد إيديه و رفع ليها راسها باش يلاقي عينيه مع عينيها و نطق بنبرة عتابية

جابر : علاش أمرام درتي بحال هكدا

مرام تتحاول تهرب بي عينيها : مدرت والو أ جابر

جابر : عينيك في عينيا و كولي ليا مدرت والو

شافت فيه و نطقت كلامها : اه درت انا خبيت عليك ، باغي تعرف كلشي راه ختك كالت ليك كلشي

جابر : ونتي مغتكولي والو

مرام : انا هدرتي تقادات و مبقا عندي منكوليك

قرب لودنها حتى لمسو شفايفو طراف وذنيها و نفسو السخونة تضرب في عنقها و نطق بهمس قاتل الكلمة لي كتخلي أي بنت تبورش

جابر : [ كــنــبــغـــيــــــك ]

محستش بكيفاش تا عنقاتو و هو الاخر زيرها لعندو كأنه خايفها تهرب ليه من بين إيديه

معانقين و متجاهلين اش وقاع في الصالون

#يتبع