جموح الغضب

61

♥╣[ جـــمـــوح الـــغـــضـــب ]╠♥
      ✍🏽 بقلمي : خديجة كابي

🍷زدني من النبيذ...لعل ابتسامة باهتة ترسم على وجهي 🍷

🦋 الجزء ⁶¹ 🦋

خرج من مكتب الطبيب مهدود و كيحس براسو أضعف شخص في العالم ، معمرو كان بحكا ولكن لابد للإنسان أنه يجي شي موقف و يحطموا و كيفما كانت القوة ديالو لابد من أنه يضعاف و يتكسر و يتحطم و يرجع ينوض من جديد...توجه للغرفة ديالها من جديد و لقا الممرضة تماك كدير ليها شي فحوصات و علماتو أنها قريبة تفيق
داب كيف غيدير يكولها ليها و كيف أيدير يشرح ليها...تنهد و ريح فوق الفوطوي و رجع راسو اللور و مسرح درعانوا على طولهم
غمض عينيه و سافر بدماغو لعالم مليئ بالأفكار و شلا خيوطة ملويين كيجتاجو الفك و راس الخيط لابد من أنه خاص يلقاه
محسش بالوقت ولا شحال تكا حتى لقا راسو ناعس 3 سوايع
حل عينيه و هو واضع صبعانو على جنابهم و كيمسد فيهم و شاف توال السرير و بتاسم ابتسامة خفيفة و باهتة
ناض و توجه لعندها و جر الكرسي ريح و شد إيديها بين إيديه باسها...
نطق بصوت هادئ و حنين
جابر : كيف تتحسي داب اختي شوية

حركت راسها ببطئ و غمضت عينيها بالإيجاب تتحس بذاتها كلشي مخبوطة عليها و مقادرة لا تدوي ولا تحرك و هو حس بيها مابغاش يحكر عليها بزااف

جابر : سمحي ليا بزااف حتاش مكنتش معاك ، انا كنبغيك بزاف اختيتو ديالي

مجاوباتوش و كتافات أنها تدور راسها للجهة الاخرى مبعدة عينيها عليه و كأنها تتكوليه بلي مخاصمة معاك و مبغاش ندوي معاك

نطق و هو كيدوز بإيديه على شعرها الحريري بصوت روجولي و جدي في نفس الوقت

جابر : متبعديش عينيك عليا ، متعاقبينيش بهاد الطريقة اختي عفاك شوفي فيا... ياك ديما كنتخاصموا و نتي كتكولي ليا متخلاش عليا واخ نتخاصموا

دورات وجها بشوية لعندو و نطقت بثلعثم : كنحس بوجهي كيتحرق اخويا

جابر : للأسف الحادثة كانو عندها مخلّفاة عليك اختي ، هذا قدر الله و معندناش الحق نتحاسبو معاه عليه ، نتي راك زوينة بقلبك و مشاعرك اختي

كيشوف في عينيها و نظراتو كاملين شوق
دوز بالإبهم ديالو على حنكها ببطئ و وقف في النصف الاخر لي مدركاه الفاصمة...شاف دمعة حارة جاية نازلة من عينيها و مسحها ليها و نزل طبع قبلة على راسها و نطق و هو كيمرر إيديه على شعرها كأنه كيطمئنها بلي معمرو يتخلى عليها

.... " تأكدي أن المظهر ماشي هو الأساس ديال شخصية الشخص ، نتي أتبقاي أجمل فتاة شتها في حياتي ، دموعك غاليين أختي و كيحرقوني في قلبي ، بغيتك تسمحي ليا على كل لحظة و تانية و دقيقة و ساعة و نهار كنت فيهم بعيد عليك...كنبغيك بزااف اختي و أنا ديما معااك 🖤"

#يتبع