جموح الغضب

57

♥╣[ جـــمـــوح الـــغـــضـــب ]╠♥     
✍🏽 بقلمي : خديجة كابي

✩ ما بِك أيها القدر ، حطمتني بين ليلة و ضحاها ✩

🍷الجزء ⁵⁷🍷

دماغها غارق وسط دوامة كبيرة ، لحد الان مزال تتقلب على مخرج مناسب ليها ، مبغاش تخلي دماء بشرية بريئة أنها تسيل بسباب شي قرار غتاخدو هي...
هي فهاد الساعة بغيا تقاد كاع الأمور سوى مع جابر ولا مع باها و لا حتى من عمامها لي تتكرهم ، بغات تبدا في الخطة لي من شحال وهي تتسنى فيها

هزات تيلي و شافت الشهر شحال فيه من يوم ، لقات بلي مزال ليها 10 على انتهاء المدة ديال إيفري وسط العالم البشري ، بعني خاصها تزرب ما أمكن باش تنفذ الخطة و ميمكنش ليها تسرع و تدير شي محاولة بدون متستاشر مع صديقة الدرب في الصعيبة و في الساهلة
هزت عوتاني تيلي و دوزت نمرتها هي الاخرى لي جوبتها دغيا

رنيم : عشيرتي نوجدو راسنا ياك

مرام : بقات 10 ايام بالحساب

رنيم : ايه وراك عارفة خاصني نبدا في التنفيذ

مرام : أنكوليك الخطة الاولى أبب

رنيم : مرحبا أنا غنعطيك وذني

مرام : شوفي خاصك أول حاجة تقربي من إلياس باش نخليو إيفري يغير عليك كتر و كتر ، منها نتهناو تا من هاد سيهم إلياس نهنيو جابر منو و حتى ميراث نهنيوه...تانيا خاصك شي وسيلة تشوفي كيفاش تمشي للمقر تشوفي فين وصلو العلماء واش زعما قدرو يعرفو في أشمن دوامة بالضبط كاين زامارسو حتاش نتي عارفة انا راه مراقبة من طرف خوك فينما مشيت تنلقاه ورايا و تا الا بغيت نتلفو راه غيشك فيا...ثالثا خاصنا كيفاش نجيبو تا داك الصندوق لي فيه الجثة تاع إيفرست

متبعة مع مرام كل حرف و كل خطوة و نطقت وهي عينيها على الطريق

رنيم : من هادشي كولو أعشيرتي...لابد من أننا نخرجو خاسرين شي حاجة في هاد الحرب ، حنا غندخلو كاع العوالم في هاد الخطوة ونتي عارفة أنا زامارسو ماشي وحش عادي ، هو راه الحارس الشخصي تاع الإمبراطور ديال عالم الوحوش...زامارسو أنا عارفة بأنه باغي يكون معيا و تانا بغيتو حتاش هو لي بقا ليا من ماما ولكن لي بغيت نعرف من عندو أشنو العلاقة لي كانت تتجمع ماما بداك العالم ديالهم المتوحش و أشنو علاقتها بالضبط بالإمبراطور

مرام : هادشي لي تأنا كنفكر فيه أختي و لحد الان لي غيقدر يجاوبنا هو زامارسو ولا إيفرست ، أما حتى إيفري مغيكونش عاقل ولا عارف

رنيم ( تنهدت بعمق قبل متدوي و نطقت ) : أهم حاجة عندي في هاد الساعة أن خويا جابر يبقى بعيد على هاد الصدوعات كاملة و ميتضرر تاشي واحد كنبغيه

مرام ( بشك ) : واش تتقصدي ميراث

رنيم ( بهدوء ) : لا معندي بيه تاشي علاقة

مرام : راني عارفة كلشي أرنيم ، شوفي تقدري تخبي على أي واحد المشاعر ديالك إلا انا سمعتي ، حتاش كنحس بيك تا قبل مدوي ولا تخرجي شي حرف من فمك أعشيرتي

رنيم ( بابتسامة) : عارفة لي كاين ، نتي راك ختي لي مولدتهاش ليا ماما

مرام : راك عارفة تانتي اش كاين ، المهم أزين ديال العالم ، بغيت ندخل ليك واحد المعلومة لداك المخ عندك على الله تقبليها

رنيم : مرحبا كولي غير كولي اش كاين

مرام : حنا كنحبو مرة وحدة في حياتنا ، الحب الا دخل لحياتك راه بحال شي مغريبي جاتو فرصة ديال الهجرة ، واش داب شي مغريبي فقير مقودة على مو الا جاتو شي فرصة يقود من هاد البلاد غيكول لا...اوا نتي داب راك في نفس الموقف ، قلبك مزال منسى داك الجرح لي خلاه"  أكرم الغزاوي " ونت...

قاطعتها بإنفعال و غوتت عليها

رنيم : سكتيي مبغييتش نتفكررر ، صافيييي سكتييي

مخلاتش ليها المجال فين ترد عليها و قطعت لاحية التيلي من السرجم و بدات تتنهج و تتنفس بصعوبة ، من ديما و هي هكدا تتكون شي حاجة لي تتعصبها تتفقد السيطرة على راسها فما بالك الا جبدتي ليها سميتو
أول حب مكنقدروش نساوه و هي حتى بدات تتولف على ميراث و قالت مع راسها أتنسى أكرم ولكن فكرتها فيه داب
مزال مقادرة تنسى تا الطريقة لي مات بيها و كيفاش قتلوه و كل إبتسامة كان كيبتاسمها في وجها بين عينيها ، كل مرة كان كيكون معصب و كيغوت عليها بين عينيها...الغيرة ديالو عليها و كيفاش كان كيفرشخ كل شخص من الجنس الذكوري الا هز فيها العين بشي شوفة ناقصة...

#يتبع