جموح الغضب

21

🩸☠️ جموح الغضب 🩸☠️
✍🏿 بقلمي : خديجة كابي
☀️ حتى الشمس ستكسر القانون و تشرق من مغربها لتعلن النهاية ☀️

💮 الجزء ²¹ 💮

وسط جبال إيفرست لي كتعتابر أعلى قمم العالم بعلو 9 كيلومتر ...
تماك كاين مقر سري مستحيل يطيح عليه شي واحد من غير سيادو و لي هوما من خيرة العلماء و الباحثين و من أبشع المجرمين في نفس الوقت

كيديرو أبحاث خطيرة ، على الانسان لي في هاد المقر بحال فأر التجارب و مساوي تا قيمة بالنسبة ليهم
• عامين داب وهوما خدامين تحت امر العالمة المجنونة ولي ملقبة بالافعى ، خدامين على مشروع يقدر يدمر العالم و في نفس الوقت يخليهم هوما السلطة العليا في الكرة الأرضية
باغين يوحدوا القارات و يتخلصوا من شي حاجة سميتها القانون بالنسبة ليهم القانون كيحيد ليهم الحرية التامة ديالهم و هادشي مباغينوش هوما...
خدامين على صنع واحد المخلوق ماشي ألي و إنها هو مزيج ، ولكن باش يكملوه محتاجين لواحد العينة مهمة و هاد العينة طلقوا عليها اسم « Qava » بيناتهم... عبارة عن نوع من الدم النادر ولي كيكون في قلة الناس و قليل فين يقدرو التحاليل يكشفوا عليه...الناس لي عندهم «Qava » كيبقاو ديما معرضين للخطر من طرف هاد المجانين....5 شهور و هوما خدامين كيبريو عليه و اخيرا ليوم جاتهم الفرصة يلقاوه و هادشي بفظل واحد الطبيب خدام معاهم لي لقاه في تحليل دم لأحد المرضى ولكن كيبقى عائق كبير عندهم و هو أنه هاد المريض ماشي بمريض عادي بل هو من طرف أحد رجال العصابات و لي معروف طبعوا كيف داير ، تقيسوا في عينيه و متقيسوش في حبابوا أو بمعنى آخر ختوا لي يلاه لقاها...داوين على ميراث اه

نرمين هي الهدف ديالهم و الافعى قررت تغادر إيفرست باش تحقق المبتغى بسرعة ، لأنها هي أيضا غير خدامة و خاصها تطبق الأوامر بالحرف المفصل...كانت تتفحص في احد العينات حتى رن هاتفها و غير شافت المتصل مشا منها اللون و جابت بهدوء و جدية

الافعى : حاضر ميكون غير أمرك
لالا كلشي ايكون كيف بغيتي
عطينا شهر واحد و يكون *** واجد
التجربة مغتحتاجش بزااف ديال الوقت
هو مستحيل يخلينا على قيد الحياة و نتي كتعرفيه كتر منا
زعيم الظلام الاسود هو العدو داب
حاضر أ زعيمة إيفرست

قطعت الاتصال و هي تتفكر في بلان هاد الزعيمة المجنونة كتر منها ، كيفاش قادرة تمثل على الناس الطيبوبة و هي شيطان ، كيفاش قادرة تمثل دور الانسان و هي وحش و كيفاش قادرة تمثل الحب و هي الحقد و الكره براسو ...
هادشي غريب ولكن مع زعيمة إيفرست مكينش مستحيل

على الاقل داب اتسهال عليها هي الطريق باش تزيد تقرب من حبيب قلبها و لي واخ تتعشقوا لحد الجنون كيبقى محرم عليها تحاديه ولا تدويه و محرم عليها تخرج و لا تعفط من الجبل
عايشين بقانون انك تخالف الاوامر تستحق الموت

#يتبع
هاد البارت ستخدمت الخيال 😀😀