جموح الغضب

2

☠️🩸 جموح الغضب ☠️🩸
✍🏿 بقلمي: خديجة كابي

☀️حتى الشمس ستكسر القانون وتشرق من مغربها لتعلن النهاية ☀️
💄الجزء الثاني 💄

تصدمت من كلام خوها و الكم الهائل من المعلومات لي توصل ليهم في ضرف 24 ساعة أو أقل ، هادشي لاحظو فملامح وجها
وقف متوجه لعندها ،ضامها لصدرو و مطبطب على راسها ببطئ ناطق بهدوء تام

جابر : ختيتو ، أنا عارفك داخلة لهاد الميدان بزز عليك و معندكش معاه و لكن معندنا منديرو ، الأب ديالنا كان من أفظل المحققين و هو بغا يشوفنا بجوجنا بحالو و طامع فينا نوليو حسن من كيف كان ، و انا كنواعدك بمجرد منسليو هاد القضية أنقنعو بأنك تقدمي استقالتك
( هز ليها راسها لعندو ) و حيدي هاد تغوبيشة متتجيش معاك

عنقاتو بالجهد و تخشات فيه بحال شي بنيتة صغيورة خايفة شي واحد يشفر ليها الدمية ديالها ، من ديما كان هو السند و العون ديالها في الحياة ، واخ يتعصب عليها و يعيرها متتقلقش منو ، حتاش هو أكثر شخص تتبغيه في الدنيا ، علاقتها بسي رضوان واخ هكاك ماشي كيف علاقة أي أب مع بنتو ، هو شخص كيبغي يمشي ولادو على طريقتو و يتحكم ليهم في حياتهم صغيرة و كبيرة ، شخص باغي غير الشهرة و التفاخر أمام أصحاب الطبقة الراقية لي كينتامي ليها
ولادو العكس ديالهم ، باغين يعيشو ،باغين يطيرو من السجن لي سجنهم فيه ، ماماهم ماتت و هي مسجونة في قفص الرفاهية و لي مافيهاش قاموس الراحة مع سي رضوان كان ديما فارض عليها اش تلبس و اش تاكول و اش تكول و اش تعمل و هادشي لي سبب ليها مرض العصاب حتى توفات غير بسبابو
رنيم و جابر معارفينش سبب موت الام ديالهم ، حيت كانو صغار بزااف يعني مغيلاحظوش معاملة باهم القاسية و الباردة من جيهت مراتو

هزت عينيها فيه و حطت أيديها على حناكوا مبتاسمة ليه إبتسامة بشوشة خلاتو تاهو يبتاسم و نطقت : متصورش شحال كنبغيك أخويا

جر ليها حنكها بقرصة خفيفة كمداعبة منو : و متصوريش انا اش نقدر ندير على قبلك أحبيبت خوها

تقادت في الكلسة و ناضت جبدت ستيلو و معاه ملف فيه شي أوراق و رجعت لبلاصتها

رنيم : و داب أخويا شرح ليا كيف دازت المهمة السرية و علاش مقلتيهاش ليلي نمشي معاك

جابر ( يتعجب ) : نقولها لك ، مقدرتش نفيقك من نعاسك أو بالأحرى مباغيش نعرضك الخطار هادشي لي كاين

رنيم : متخافش عليا ، راني نقدر ندافع على راسي

جابر ( شبك صبعان إيديه ) : طلقينا للفراجة أبنت المجدولي

شدت الستيلو و خادت ورقة تتشرح ليه الخطة

رنيم ( مركزة مع اشنو كدير ) : واش فهمتي اشنو أنديرو ، خاصنا ضروري ندخلو بالتخفي و نحفرو مكانتنا في السوق السوداء ، حتاش الى قدرنا نوليو زعما تجار متخفيين وسطهم نقدرو نعرفو الزعيم ديالهم شكون و هو ايوصلنا للوحش

جابر ( كرز على إديه و نطق تحت سنانو ) : امممم منعاودش ليك أش غندير فيه ألى شديتو

رنيم ( بنبرة شك ) : زعما نقدرو نشدوه

جابر ( بنبرة كلها تيقة في النفس ) : جابر المجدولي تاشي حاجة مصعيبة عليه اختي

#يتبع