جموح الغضب

43

🔅جــمــوح الــغــضــب 🔅

✍🏻 بقلمي : خديجة كابي

🪐 أصابتك اللعنة يا قلبي الضعيف ، فما عدت أستحمل العيش بدونه 🪐

☠️ الجزء ⁴³☠️

غادي خارج مع باب الفيلا حتى تتوقف قدامو رنيم ، لي كانت قارنة حجبانها و علامات استغراب على محياها من الحالة لي هو فيها...و بدون مقدمات طرحت سؤالها

رنيم ( بنبرة هادئة ) اش واقع اسي ميراث

عكس النبرة ديالها الهادئة هو كان هايج و الدنيا دايرة بيه و معارف ميدير تا باش يجاوبها معارفش ، دايخ و بالو ماشي معاه ، كيفكر غير في ختو و بلي هو السبب في هادشي...علاش هو متيقدرش يتحكم في أعصابو قدامها ولا عليها علاش... علاش مكيقدرش يكون ضريف معها بشكل كبير و حسن من هادشي
ايه الندم ، بدى كيتسلل ليه الندم و الا قدم يتحكم فيه هاد الشعور ايصدق مدمر شلا حوايج ، هادشي علاش خاص يقصح قلبو باش يقدر يربح شلا حوايج....بعد المرات الاخ كيفما بغا يكون سوى يكون كبير خواتاتو ولا أصغرهم خاص يكون صارم معاهم ، باش يحكمهم الا خرجو على الطريق
خاص يكون صارم باش يبقاو ديما يحسو بشوية ديال الخوف من جيهتوا ماشي يدسهم عليه و يندم في الاخير ، يولي هو كلمة هوما يعاودو عليه زوج

هو ساهي بتفكيرو و هي ساهية في ملامح وجهوا الغاضبة و تنهدت مطبطة على كتفو باش تفيقو تاهو من ديك السهوة لي واضح انه غرق فيهااا

نطقت بصوت هادئ و باهتمام : امم نتا بيخير

مافيه لي يهضر اكتفى انه يحرك ليها راسو بالايجاب و مشا نيشان ركب في اللوطو مديماري للسبيطار

بأقصى سرعة و ممرتاحش أبدا كيتسنى غير هيمتا يوصل و مهناش شوية تا لقى راسو وصل...بلاصة لوطو و مشى للإستقبال و خطوات مسرعة

دوز على وجهوا و نطق بهدوء : ديك درية لي لقيتوها قدام السبيطار فين هي

قلبت في البيسي لي تدخل فيه المعلومات و نطقت بدون مترفع راسها

المستقبلة : الطاج الثاني الغرفة 35

و بدون اي رد مشا طالع في الدروج و هو ساخط من الوضعية
وصل للطاج المعلوم و كمل للغرفة و قرن حجبانو فور ما شاف البوليس قدام الغرفة

وقف عليهم كي السخط ، الشاف ديالهم غير شافو تبدلو فيه اللوان و جا كيجري عندو و نطق بخوف

البوليسي : سيي ميراث تفظل معيا نشرح ليك كلشي

ميراث بجمود : مرحبا ههه زيد قدامي

مشاو لواحد القنيتة تماك وقف ميراث مسند على الحيط و مراقب الغرفة 35 و عطا الادن للبوليسي يفتي عليه اش كاين

#يتبع
🙂 راني مزيرة مع القراية غير صبرو معيا
بغيت منكم توقعات
و كنزيد نشكر الدريات لي مشجعيني