جموح الغضب

51

🌛 جــمــوح الــغــضــب 🌜

✍🏻 بقلمي : خديجة كابي

🪐 أصابتك اللعنة يا قلبي الضعيف ، فما عدت أستحمل العيش بدونه 🪐

🔻الجزء ⁵¹🔺

#عشق-محفور

هاد الليلة غتكون أجمل ليلة بالنسبة ليهم بزوج و نقدرو نكولو غير ميراث لي كيحس بيها مهمة حتاش أينفذ لي فبالو و أيقدر يحمي شخص دخل لحياتو و مخافش من الجحيم

شد ليها برفق في إيدها و جرها وراه متوجهين للجهة الخلفية من اليخث... كانت محطوطة طابلة فاخرة و مزينة بالشموع و الورد الاحمر ، طابلة عليها غيتطبع حبهم وسط البحر و بعيد على البشار ، غير هو وياها

تقدم هو الاخر للكرسي جرو بمعنى كلسي ، حركت راسها بالايجاب و تقدمت مريحة و مقادة في البركة و هو الاخر مشا ريح في بلاصتو ، حيد لافيست و دارها على الكرسي و حنحن شابك إيديه مع بعضهم ناطق بنبرة روجولية تكتسيها الخشونة

ميراث : كيف جاك الجو هنا

كتدور في عينيها العسليين ، متنكرش الجو عجبها و هبلها...دارت نفس الحركة ديالو و نطقت بنبرة هادئة

رنيم : اممم الجو زوين و تا البركة هنا لا تقل عنها جمالا

ميراث ( بنبرة هادئة ) : هادشي لي بغيت أ مدام رنيم

كتافات بالصمت ، بينما هو نطق بنفس النبرة

ميراث : رنيم سمعي هدرتي مزيان و دخليها لدماغك

هزت فيه عينيها و نطقت بخفوت : واخ كنسمعك

ميراث : مجبتكش هنا باش نتعشاو ولا باش نتمنظروا
موضوع مهم بالنسبة ليا وليك بغيت ندوي فيه معاك و نكونو
بمفردنا ، موضوع حساس بالنسبة ليا ، و خفت تفهيميني غلاط
الا شرحت ليك فشي جو مكهرب ( تقاد في الكلسة و رخف الازرار اللولين ) أنجيك من اللخر أنا باغي نعقد عليك باش ميقدروش هادوك الز*** يأذيوك حتاش اتولي تحت وصايتي بصفتك مراتي

وذنيها تصمكو و الصدمة بانت على كل ملامح وجها ولكن جمعت تخنزيرة و قصحت نبرة صوتها لأول مرة تجرأ و تقصحها قودامو ، نطقت وهي واقفة و واضعة كل إيديه في طرف ديال الطابلة

رنيم : مغنسمحش ليك تستاغلني كيفما بغيتي أسيدي ، زايدون شكون طلبك منك تحميني ، اممم واش عمرني كلت ليك راني محتاجة الحماية ولا المساعدة منككك...مكلتهاش و مغنكولهاش ، حتاش انا قوية فهمتي ، ممحتاجاش لشي راجل باش نتسمى تحت الحماية ديالو فهمتي وباش نزيد نوضح ليك اكثر و اكثر
داك الهجوم المسلح أنا لي خططت ليه و أنا لي ضربت راسي بالسلاح ، انا قوية فهمتي

#يتبع