جموح الغضب

12

☠️🩸 جموح الغضب ☠️🩸
✍🏿 بقلمي : خديجة كابي
☀️ حتى الشمس ستكسر القانون و تشرق من مغربها لتعلن النهاية ☀️

💄 الجزء الثاني عشر 💄

فاقت رنيم معطلة بسبب التعب و السهير ديال البارح ، مزارش النعاس فراشها حتى للفجر ، بقات تتفكر في بلانها و حريرتها مع هاد المريض النفسي و الحقود ، لي جاي ينتاقم على قبل موضوع داز عليه كتر من 40 عام...
خاضت دوش خفيف وكضت عظامها و لبست حوايجها و كيف العادة متأنقة...هزت الصاكادو ديالها لي فيه أهم شيء ( البيسي ) و خرجت قافلة الباب من وراها و نازلة مع الدروج ، لقات العائلة الكريمة فطروا ، و بدون متهدر مع شي واحد خرجت من الفيلا مغادرة بإتجاه المخفر...ماهي الا ساعات قلال و كانت مريحة في المكتب و قدامها ملف قضية جديدة عطاوها ليها خصيصا...علمت الفريق ديالها لي متكون من 4 الأفراد بأن لهم إجتماع داب و ناضت تاهي متوجهة للقاعة المخصصة...حلت الباب و كان كلشي جا وقفوا عاطينها التحية إحتراما للمرتبة ديالها و رجعوا ريحوا...

حطت الملف قدامها و جبدت منو تصاور و علقتهم في ديك السبورة و هي تتشرح ليهم الخطة و الأشخاص لي خاص يراقبوا و عطات لكل واحد مهمتوا لي يتكلف بيها باش هكدا يساليو الملف و يطويوه دغيا ، عطاتهم الإدن باش ينصارفوا من بعد ما سلات و ريحت على الكرسي متنهدة بإرتياح ، جبدت تيلي داخلة الواتساب لي من البارح مدخلت ليه و طلع ليها سطوري ديال إلياس لي كان كيبان فيها و هو واقف في المحكمة كيلقي في كلامو ديال الدفاع على شي موكل
نطقت بينها و بين راسها بشك : اشنو سرك أ إلياس ، واش نتيقك ولا اش ندير

خرجت من سطوري و دخلت للميساجات تتجاوب حتى طلع ليها إتصال من جابر و جوبت ناطقة

رنيم : سلام خويا فينك

جابر بهدوء : راني في المكتب فين غنكون

رنيم بنفس النبرة الأولى : تأنا داب في المكتب ، اندوز عندك

جابر : اك نتقاشعوا

قطعت و ناضت واقفة جامعة الملف و تصاور و مغادرة القاعة بإتجاه مكتب جابر حتى كتوقف على إثر واحد الكلام سمعاتو بالصدفة

الرئيس : جابر راني بعدتو على طريقك ، اشنو مزال
لالا حاشة واش ندير هاد البلان
واخ أسي ميراث ميكون غير خاطرك

هادشي لي جات في وذنيها و لي فهمت من كلام الرئيس ان خوها كان قريب بزااف لهاد الزعيم
نطقت بهمس و هي مكملة طريقها : ميراااث ايييه شكون نتا أ ميراث
دقت في الباب و حلت داخلة للمكتب و متوجهة لكرسي مريحة و عينيه مراقبينها حتى نطقت

رنيم : عندي لك خباااار وااا مشحرة

جابر تقاد في كلستو و نطق : اممم أتيني بالمفيد

رنيم تقادت في الكلسة شابكة رجليها و مخرجة كاع داكشي لي عارفاه ، مخلية البركان كيتكون و كيزند....

#يتبع