جموح الغضب

34

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ³⁴ ☠️

في الفيرمة تاع سي رضوان مريح جابر و واضع على ركابيه البيسي و القهوة لي مرة مرة كيرشف منها ، عينيه تابتين غير في الشاشة و بالو خدام تيحلل في المعلومات لي جمع ، رفع راسو مني حس بشي يد تحطات على كتفو باش يلمح الاب ديالو سي رضوان لي ريح حداه مبتاسم في وجهوا ، سد البيسي و حطو على الطبلة و دار شافيه و هو عاقد شوية حجبانو ، حك قرفادتو و نطق مخاطب الاب ديالو

جابر : الوليد اش جيتي دير هنا

سي رضوان : اممم جيت نشوف الفيرمة توحشتها تا لقيتك هنا

جابر : اه مزيان الوليد ، تشرب قهيوة

سي رضوان : اه راني كلتها ليهم ايصيبوها ليا
( عقد حجبانو بإستغراب و تساؤل و جمع إيديه شبكهم و كمل على هدرتو) جابر اش كدير هنا

جابر ( بهدوء ) : جيت نرتاح الوليد ( تنهد ) عيت بزااف

سي رضوان : الواجب كيناديك أولدي معندك مدير ، انا عارف راسي بلي معنديش الحق نهدر...اخر شخص يهدر على مصلاحت ولادو هو انا ، مديتهاس فيكم و هملتكم بشكل كبير ، خصوصا ختك رنيم اولدي ( طبطب على كتفو ) انا ممتن ليك بزااف حتاش لعبتي الدور ديالي و كنتي ليها الاب و السند الحقيقي ، ولكن داب راه هي محتاجانا بحوج اولدي

جابر ( باستغراب ) : مالها اش وقاع

سي رضوان ( بجدية ) : عقلتي على الرئيس لي كان قبل و بعدك على قضية ( الاتحاد المظلم ) كان صديق مقرب ليا بزااف ، مؤخرا كنت معاه على تواصل و خبرني باش نتلاقاو و مني تلاقينا جبد معيا الموضوع ديالك و كاليا اش كاين و كاليا شي حوايج زادو صدموني

جابر : اش كاليك

سي رضوان : كاليا بلي الشخص لي ءامرو باش يبعدك من القضية هي نفسها رنيم ، بلي هي ديما كانت تتلعب عكس ما نتا تتقول للفريق ديالك و بلي كانت تتمحي اي دليل نتا تتلقاه باش درق على شي حاجة هو مقدرش يعرفها

مصدوم من هدرت باه مقادرش يصدق و لكن قوة راسو و نطق في عز صدمتو بتساؤل

جابر : وعلاش جا داب كاليك هادشي

سي رضوان ( تنهد بعمق ) : لقا راسو مريض بشي ورم في الراس و كالو ليه العملية تقدر تنجح تقدر لا و هو بغا يصحح الخطأ ديالو معاك

جابر ( بغضب كرز على إيديه ) : رنيم مستحيل دير فيا هادشي لاااا

سي رضوان ( بجدية ) : اكيد مديرش هادشي ولكن خاصنا نعرفو الحقيقة

وقف هز سوارت اللوطو و نطق مخاطب باه : انا غنعرف كلشي و من فمها

تحرك معصب و عاض في الصبر باغي غير يعرف اش هادشي لي سمع و واش بصح ، دماغو مقادرش يصدق

بفم جابر

[ لا رنيم مديرش بحكا ، رنيم ختي ميمكنش تكون منهم ، هادوك مجرمين ، ختي ماشي مجرمة ، الله ياربي اش غندير الا بصح كان هادشي بصح ، علاش بعدتني و علاش خرجت ليا على الحلم ديالي ، كاع هادشي لي درت على قبلها و تغدرني ، ياربي نكون على خطأ هاد المرة ، حتاش مستحيل نرجع نسامحها الا دمرتني لااااااا رنيم ]

#يتبع 🚶🚶