جموح الغضب

7

☠️🩸 جموح الغضب ☠️🩸
✍🏿 بقلمي :خديجة كابي
☀️حتى الشمس ستكسر القانون و تشرق من مغربها لتعلن النهاية ☀️

💄 الجزء السابع 💄

" مع الساعة 22:00 " مريح فوق الكرسي و كيتفحص بعينيه الطبلة لي ختارها تكون على جنب البحر و في نفس الوقت مراقب الباب منتاظر الوصول ديالها ، خنقاتو الكرافاط و هو يحيدها ، رخف جوج صدايف من القميجة ، و عاود هز عينيه و قشعها كتبري عليه و تالفة ، وقف بخطوات ثقال متوجه لعندها ، و هو كيحسس بالملل من هاد التمتيلية الخاوية....وقف عليها كي قابظ الأرواح ، أما هي فكانت ماشي في هاد العلام ساهية في ملامح وجهوا الهادئة و في وقفتو الروجولية و في البنية الجسمانية ديالو ، بتاسمت ابتسامة خفيفة برزو غمازاتها ، مدت إدها مسلمة عليه و تاهو بادلها المصافحة
دار ليها إشارة بإيديه بمعنى تفظلي ، تحرك غادي و هي حداه مراقبة مشيتو
وقف على الكرسي و جرو بلباقة تكلست و رجعوا ( كيف داكشي تاع المسلسلات ) ،دورت عينيها على المطعم و رجعت ركزتهم
في الطبلة و الزواق ديالها ، كانو مثل شي جوج عشاق كيترومانساو مع بعضياتهم
حنحن إلياس مبتدأ الكلام بنبرة هادئة : عحبك المطعم

ابتاسمت مجوباه : اه المطعم زوين ، حتى المنظر كيشهيك دخل لهنا

تكا مرجع راسو للخلف و شبك إيدبه ورا شعرو ، شافيها بهيان و هو كيصكانيها ناطق بنبرة عاشق ولهان : نتي رمز للأناقة و الجمال في خبارك

حمارو خدودها بسباب الحشمة و نطقت بنبرة هادئة : شكرا لهلا يخطيك

شاف ردة فعلها و لي هو الخجل و زاد كمل على ما بيها ناطق : امم اش كيجيك القمر و الورد و الأقحوان

لم يتلقى منها الا الصمت ، حتى صافي كال مغتجوبنيش و هي تنطق بنفس نبرة صوتها المعهودة : و نتا اش كيجيك الثعلب

ملامح وجهوا تبدلو لصدمة ، طريقة الهدرة ديالها و جملتها خلاتو يتقاد في بركتو و يشوفيها بتساءل ناطق : كيفاش ثعلب

ملامحها كانو جامدين ، لا يوجد اي تعبير على وجهها ، الحشمة و الابتسامة لي طول هاد المدة بيناتهم ليه ، تلاشاو و سرعان موسعت فمها ضاحكة و الابتسامة العريضة رجعت ترسمات
نطقت بصوت هادئ : ههه شتك تصدمتي غير تنضحك معاك

قرن حجبانو مستغرب من هاد الضحك العجيب ديالها و جاوبها : اممم ماشي موشكيل أ لالة كلشي من عندك عسل ، ( شافي الكرصون و دار ليه إشارة يجيب داكشي لي وصاه عليه ) نتعشاو داب اش بان ليك

رنيم : واخ لي بغيتي و شكرا على العشاء

تزوقت الطبلة ديال العشاق بالمأكولات المتنوعة و البسيطة و لي تتعجب رنيم ، تبسمت ليه و هو نطق هاز الفورشيط

إلياس : تفظلي بصحتك

قطعت ليها بالفورشيط و خادت أول لقمة مجاوباه : الله يعطيك الصحة ، شكرا
( في خاطرها باسم الله )
بقا الجو بيناتهم هادئ ، الصمت من كلا الطرفين ، جاه الملل و مبقاش عاجبوا الجو و هو يحنحن بهمس ناطق : واش نتي فعلاقة مع شي واحد أ رنيم

ستغربات من سؤالو لي جاها على غفلة ولكن جوابها على لسانها ، معندها متخبي و مكاين ميتخبى : لا

ضحك جنب بمكر و نطق تحت سنانو : اواا انا اللول و اللخر ليك أبنت المجدولي

كأنها سمعات كلامو و لكن دايرة لحد الساعة عين ميكة ، رجع دماغها كيحلل في هدرة خوها لي كاليها في المزرعة ، هو نبهها مزيان بلي أفراد عائلة الذراوي كانوا على عداوة مع جدهم و باهم سي رضوان و حتى عمامهم ، حذرها من قبول دعوة العشاء لي قدمها ليها إلياس و لكن هي كان ليها رأي آخر ، قررات انها تقبل الدعوة و تساير إلياس في المخططات ديالو و تماشيه على قد فعايلو تتشوف علاياش ناوي ، ولكن من ورى ظهرو اتكون تتجمع عليه كاع المعلومات لي بدا جابر كيعاونها فيهم
السبب ديال العداوة كيف كاليها جابر ان جدهم الله يرحموا كان ساكن في واحد المنطقة و بلي هوما الاغنياء في ديك البلاصة ، و بالقرب من دارهم كانت دار واحد الراجل كيبيع و يشري في المواشي ، عندو 4 البنات و 3 الدراري
وحدة من دوك البنات تتسطي بالزين ، طبيعية معمر وجها ما لمس المكياج ، من غير كحيلة كديرها مرة مرة فشي مناسبة.
و هاديك البنت بالضبط هي لي عشقها جدهم مني كان في سن الشباب ، الاخ الاكبر ديالها هو نفسو جد إلياس ، ولي مزال حي يرزق
جد رنيم كان شرب واحد الليلة كمية كثر من القياس و السكرة حكماتو ، جاي في الطريق و كيتمايل و كيغني ومغيلقى غير الدريات مجموعين قدام دار الفقيه كيتحثو ، و من وسطهم قشع محبوبتو ، توجه لعندهم و هوما غير شافوه بديك الحالة تخلعوا و مشاو يجريو لديورهم بينما هي و خواتاتها بقاو مريحين من الصدمة ، زرب عليهم و ما جاو فين يوقفوا تا كان هو عند رأسهم , دفعت وحدة فيهم الباب بالزربة و دخلت تغوت على خوتها و لي كانوا صعاب بزااف في التعامل ديالهم ، الوسطاني فيهم وقف عليه بزرواطة و هو تيسب و تيدفع فيه و مع خونا اللاخور معاقلش على راسو ، هز حجرة كبيرة و نزل عليه للراس ، طيحوا على طولتو فاقد الوعي......

#يتبع