جموح الغضب

26

🔆جــمــوح الـــغــضــب🔆
✍🏻 بقلمي : خديجة كابي

🍁ْ حتى الجحيم أغلق أبوابه في وجهي ، فكيف سأعيش 🍁ْ

☠️ الجزء ²⁶ ☠️

من بعد ديك المحادثة مع الجاسوس ديالو ، قدر يعرف شلا معلومات و هاد المعلومات غيفتحوا ليه شلا أبواب من بينهم باب الجحيم...هو ماشي من عادتو أنه يدخل لشي حرب مغيستافد منها والو من غير صداع الراس ولكن هاد المرة مختالفة ، باغي يجرب هاد صداع الراس و مغيكونش صداع على الخاوي و إنما هاد الحرب الجحيمية بالنسبة ليه تقدر تقلب العالم رأسا على عقب كيف تيكولو

° تنهد بعمق و هو كيرمي عينيه على الجردة و أول مرة يلاحظ وجود واحد النبتة ، بتاسم بجنب و هو كيتفكر بلي في صغرو مني كان كيمرض غير هاد العشبة لي كانت تتهبط ليه السخانة
« المخينزة » ، تحرك بإتجاهها و شد ورقة من أوراقها بين يديه كيشم فيها و كيتفكر الطفولة ديالو و كيفاش كان كيجري و بعض المرات يعفط على هاد العشبة غير باش مني متشربهاش ليه ماماه حتاش مداقها كان بالنسبة ليه أبسل شيء في العالم ولكن داب تأكد انه كاين ما كثر من هاد العشبة في البسولية

رجع بأدراجو للفيلا كيبري على ختو بعينيه حتى بانت ليه هازة صوينية و جاية بإتجاهو ، حطتها على الطويبلة و بتاسمت ناطقة : خويا ريح نشربو أتاي ، بغيت نهدر معاك في واحد الموضوع ضروري لاجات على خاطرك

ميراث ( بنبرة هادئة ) : اممم واخ

ابتاسمت و حركت راسها مشات للكوزينة و رجعت و في إديها طبسيل متوسط عامر ببعض انواع الحلويات ، حطاتو و ريحت و ريح تاهو حداها ، كبت جوج كيسان بالكشكوشة مدات ليه و خادت ليها و شافت بعينين كلها امل و كنأها كطلب الله يحقق ليها هاد الهدف

نطقت بصوتها الهادئ و الثوثر غالب عليها : خويا احم اش بغيت نكوليك ، نسيت ههه

ميراث بجمود : غير نطقي ماشي موشكيل عادي

نرمين : خويا بصراحة انا بغيت نرجع نقرى من جديد فوت شلا اسابيع من قرايتي و الفروض ايكونو على الابواب

ميراث ( بتاسم و هز ايديه كيطبطب على راسها ) : هادشي صافي لي مخليك متوثرة اوا أ لالة غير وجدي ليا مخك للقراية ، راني تكلفت بكاع الامور و حولتك لليسي بريفي

نرمين ( بابتسامة مرفوقة ببعض الحزن ) : خويا عندي شلا اصدقاء في الليسي لي كنت فيه و انتوحشهم مكرهتش نقرا غير فيه ( تنهدت بقلة حيلة ) ولكن مني نتا حولتيني داب معندي مندير

جغم من الكاس و كال حلوة صغيرة تاع الكوك و شافيها و هو واقف و نطق طالع في الدروج : اي حاجة انديرها غير على مصلاحتك ، لبسي حوايجك نخرجوا نضربو شي دورة و نتعشاو على برى

نرمين بابتسامة و إمتنان : شكرااا خويااا بزااف

جات الخدامة جمعت الطبلة و هي طلعت لبيتها تتجري و فرحانة...دخلت و سدت الباب ببطئ و مشات للدريسينغ تتشوف اشنو غتلبس ، شاف الجو شوية على برى من السرجم كيبان بارد وهي تعزل سروال بيست فراند اسود و سبرديلة بايضة و فوقو تيشورت بالاسود و مونطو بالخزي الفوق و دارت شال بالبيض و خلات وجها خالي من اي مادة...هي ماشي من نوع البنات لي تلطخ وجها و تسرسطو مكياج عاد تخرج ، عزيز عليها تبقى طبيعية

رشت عطر خفيف و هزت تيليفونها و خرجت سادة الباب وراها و نازلة عندو اللوطو ، بينما هو كان ديجا خرج قبل منها و مشا كيكمي و ينفخ من سرجم اللوطو و حاضي خيالها همتا اتجي و ماهي الا دقائق و بانت ليه رسم ابتسامة رضا على وجهوا فور مشاف وجها و لباسها...راضي على انها ماشي من لي يتزينوا بالمكياج و ماشي لي لحمهم المعري كثر من المغطي

فتح ليها الباب لي على الجانب ديالو و طلعت وهي مبتاسمة ليه بشكر و امتنان على المعاملة ديالو معها...

#يتبع
😅 متوحشتوش إلياس نمشيو عندو 🙂