جموح الغضب

47

🌛جــمــوح الــغــضــب 🌜

✍🏻 بقلمي : خديجة كابي

🪐 أصابتك اللعنة يا قلبي الضعيف ، فما عدت أستحمل العيش بدونه 🪐

🔺الجزء ⁴⁷🔻

• عند ميراث لي خرج معصب و القردة تتشطح الدربوكة في راسو
ركب اللوطو و ديمارا بسرعة للفيلا ناوي ينفذ داكشي لي في بالو ليوم قبل غدا

بالو مغيهناش تا يعرف الرد ديالها واخ هو براسو مراديش على اش ناوي يدير ولكن عارف انه أيعرضها تاهي للخطر بشرط الى ولات تحت الحماية ديالو يعني ولات جزء من حياتو و تحت الإسم ديالو

غادي كيسوط و مخرج إيدو من الشرجم..ضرب فران تسمع صوتوا في أنحاء داك الشارع الراقي و حتى من ليكارد ديال الفيلا كتاشفوا شكون مول اللوطو غير من الصوت حتاش ولاو حافضينو مني يجي بسرعة و يبلاصي اللوطو بهاد الطريقة كيكون يا معصب بزااف يا ناوي على خزيت

حل الباب و سدو بالجهد و تقدم داخل للفيلا و لكن عينيه مخفاوش على ديك اللوطو مرسيديس لي مكاودة مع الفيلا من بعيد و كتحس بيها و كأنها مراقباها

دخل الفيلا و كيحس بيها فارغة تملكو إحساس في شي شكل ، نفض تفكيرو و طلع مع الدروج بخطوات سريعة ، وصل قودام باب بيتها و دق بجوج صبعان حتى سمع الإذن أو نقولو هي لي فتحت ليه الباب

عينيها في عينيه و كل واحد و نظراتو اش باغية تحكي للأخر

نطق بجدية : بغيت ندوي معاك في موضوع جدي

رنيم ( حركت راسها بالموافقة ) : واخ أسيدي

حنحن و هو كيدوز على ذقنوا : المهم وجدي راسك أنخرجوا نتعشاو في المطعم

رنيم : واخ لي بغيتي

هزهز راسو و توجه للغرفة ديالو في حين هي رجعت لبيتها سادة الباب و تتمشي و تجي و بالها مشطون مع هاد الموضوع لي باغيها فيه ، دار ليها الفضول و زاد شوقها من اش باغي يقول

- دخل الدوش و نصل حوايجوا دارهم في الشبكة ، سخن الدوش و مشا تحت الرشاشة و الماء نازل على جسموا و هو رافع راسو مخلي دوك القطرات تهبط على وجهوا مرورا بشعروا لي فزك كامل و غطا ليه عينيه خلاه يبان جداب كثر

صحصح عضامو مزيان و تنهد بعمق ، رجع الكاسيطة ديال هاد اليوم كامل و كاع هادشي لي طرا معاه و محا السينتا موجد لشيء اخور

مد إيديه للفوطة ، لي لواها على نصو التحتاني و فوطة اخرى خادها بين إيديه كيمسح بيها شعرو ، خرج من الدوش متوجه للدريسينغ و باقي كيمسح في شعرو

عزل ليه تيشورت كحل و بوكسور و مشا لجهة اخرى هز ليه تقاشر و سباط تاهو بالكحل و من جهة اخرى هز ليه كوستيم بنفس لون الحوايج الاخرين لي ديجا عزل

حيد عليه دوك الفوطات و لبس حوايجوا ، تقدم لفين حاط بارفانات ديالو و هز أفضل نوع عندو رش عليه رشة خفيفة و فتح مجر جابد منو الساعة اليدوية ديالو لي مزينة معصم إيديه

#يتبع