🔆 جــمــوح الــغــضــب 🔆
✍🏻 بقلمي : خديجة كابي
🪐 حٓتٓى ٱلقْمٓر إِخْتٓبٓأْ عٓنِ ٱلظُهور في لٓيآلِي إيفْرِسِت المظلمة 🪐
☠️ الجزء ⁴²☠️
هزها بين دراعو العريض و هي كيف الكميشة ، القب تحيد و شعرها معرفت كيف دار هبط مسرح على طولو ، و داك الطول ديالو هو لي معمر شي راجل شافو تاليه هو...
هو معمرو تحاك مع الجنش البشري و غير بالصدفة داز من هاد الشارع و هاد الصدفة جات غير من التلفة ديالو ، حاير و معارف فين يمشي ولا فين يتوجه بالضبط...قرر يمشي نيشان لإتجاه لي كاينة فيه هي و هاد الاتجاه قدر يحددوا بمساعدة العلماء المجانين بطبيعة الحال ، نقدرو نديرو كاميرات مراقبة و نعرفوا تحركات اي شخص بغينا ولكن انك دير كاميرا فوق الدار ديال هاد الشخص و هاد الكاميرا تبقى خدامة و تبعاه فين ما مشى راه شي حاجة ناضية...و بهاد البساطة قدرو يعرفوا كاع داكشي لي كدير رنيم ، من مشيانها لمخفر الشرطة و من مشيانها للمقر العصابة و من تلاقيتها بإلياس و من تخاصيمتها مع جابر و حتى من الحادث لي تعرضت ليه كلشي كيشوفوه و كيوصلوه ليه و بطبيعة الحال هو حلفها في هادو لي تجرأو و قاصوها أو انهم فكرو يأديوها
حطها في اللوطو اللور و حط حداها المحفظة و ركب مديماري من تماك...شاف راسو قرب لحدى واحد السبيطار و سطاسيونا بعيد و نزل هزها و حطها تماك و ديمارا من جديد بإتجاه الفيلا
اما هي في هاد الاثناء كانت مزال فاقدة الوعي بسباب الضربة لي كانت قاسحة ، و مع هي الا لحظات و بفضل واحد المراة كبيرة شوية في العمر قدرو يدخلوها للسبيطار و يزربوا عليها ، دارو معها الواجب و فتشو المستلزمات و غير لقاو السلاح خباوه و عيطو البوليس بالزربة...
هي مزال ناعسة بسباب مفعول الدوى و البوليس عند راسها كيبريو على الهوية ديالها...تسناو الشاف ديالهم يجي و مع دق و دخل...قرن حجبانو و وجهوا صفار غير بوحدوا و أمرهم ينساحبو و جبد تيلي دوز ابيل و هو كيحك على ذقنوا ما كأنه ما عاجبو حال ، جوبو الطرف المقابل
البوليسي : الو سيدي ، راني لقيتها
ميراث ( بصوت ثقيل ) : اممم فين بالضبط
البوليسي ( بخوف ) : لوبيطال اسي الزعيم
على إثر الجملة ناض من فوق المكتب دافع الكرسي و كاليه يباسي ليه العنوان و قطع
الغضب بدى كيتملك منو و الصهودية حكماتو بالمعقول، حس براسو تشمت في هاد اللحظة ، كيفاش هو مقدرش يحظي بنت صغيرة و كيفاش قدرت تهرب من الدار رغم كاع الحراس و شكون لي وصلها لهاد الحالة, اش غيكولو خوتو لوخرين لي ايلوموه و هوما دايرين فيه ثقة و مخلينها معاه ، داب ايزيد يأكد ليهم بلي هو مقادرش على المسؤولية غير من خلال هادشي لي طرا
#يتبع
أنت تقرأ
جموح الغضب
Romance🔥 حـصـريا عـلـى الـمـاريـخـوانـا🔥 🔞🌬️ جــمـــوح الـغــضــب 🌬️🔞 ✍🏿 بقلمي : بارونيسا [ خديجة كابي ] فـخـامـة الـعـنـوان تـكـفـي ذنبي أنني كنت غزالة ضعيفة لا تجيد الدفاع عن نفسها حتى أَصبَحَت فريسة للمفترسين وحتى للصيادين حيوانات كانو أو بشر...
