جموح الغضب

40

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ⁴⁰ ☠️

عينيها عمرو بالدموع و حست براسها أتخنق ، دارت و مشات بالجرى شادة على فمها و دموعها تينزلوا
بينما هو تحرك بإتجاه رنيم لي مستغربة من الاسلوب لي هدر بيه مع نرمين مسكينة و حست بلي هي السباب في تقلقيتها
جمعت حجبانها و اول مرة تسبقو في الهدرة

نطقت بصوت هادئ : تتعطي أحكام قبل متعرف اش وقاع ، مغتبدلش منك هاد العادة اسي ميراث

ميراث قرن حجبانو و نطق مغزز على سنانو : من هييمتا وليتي تسبقيني في الهدرة

رنيم ( بجمود ) : من اللحظة لي خليتي ديك البنت تمشي لبيتها و دموعها مالئين عينيها

قرب و شد ليها من دراعها ضاغط عليهم و ناطق بعصبية : كون ما دارتش علاش مندويش معها ، علاش خرجتي امممم

رنيم ( هزت كتافها باللا مبالاة ) : قنطت و بغيت غير نشم شوية الهواء نقي و زيد عليها عجبني منظر الجردة

رخف حجبانو و حك بين عينيه ناطق : رجعي لبيتك..حياتك مزال معرضة للخطر

تحرك داخل بينما هي حركت راسها بلا حول ولا قوه الا بالله و تحركت من وراه ، تمات طالعة مع دروج و شادة بإيديها مع جناب و إيد اخرى على جنبها حتاش حست بشوية النغيز...

وصلت للفوق و تلفت من بعد ما سمعات صوتوا

نطق و هو مبتاسم بشر : مزال كيتسناك العقاب باك

نطقت بهدوء : ايه و مرحبا بيه 

نطقت و مشات داخلة لبيت و لي هو في الاصل بيتو ، سدت الباب و عاض تفكرت نرمين لي طلعت تتبكي و توجهت فاتحة الباب بغيا دخل عندها حتى شافتو واقف قدام الباب ديالها و متردد يدق ، سدت الباب و رجعت ريحت فوق ناموسية.

من بعد ما هدر مع رنيم ، طلع يشوف نرمين و يصفي خاطرها من جيهتو ، وقف قدام الباب و كيبغي يدق و يكفكر في اش خاص يكول ، هز كتافو و حنحن دق الباب و دخل...كانت باركة فوق ناموسية و شادة بين إيديها تصويرة...قبل مينطق سبقاتو

نرمين : الغلاط ديالي كندخل في حياتك ،( كدوز صباعها على شي شخص في تصويرة ) سمح ليا ، ولكن بغيت نرجع منين جيت

ميراث قرب ليها بشوية ، وقف عند راسها و بدا يدوز على شعرها بإيديه و دفعاتهم ليه ببطئ و كملت كلامها مخلياه يزيد يتصدم

نرمين : الحياة معاك صعيبة و انا معزيزش عليا الصعوبات ، بغيت نمشي بحالي ، لعند مي و بّٓا و خوتي

ميراث بغضب ، كرز على إيديه و قصح قلبو ناطق : غدا مع الصباح ايديك الشيفور

دار غادي باتجاه الباب و رجع بالعرض البطيئ نطق : تكون في بالك اخر مرة غترجعي هنا

#يتبع