جموح الغضب

63

#جف قلمي فشتريت قلما جديدا و صدمت حينما كلمني و قال لي

(( لماذا تسكبين الماء على الرمل...لا أحد يهتم لأمرك ))

♥╣[ جـــمـــوح الـــغـــضـــب ]╠♥
      ✍🏽 بقلمي : خديجة كابي

🍷زدني من النبيذ...لعل ابتسامة باهتة ترسم على وجهي 🍷

🦋 الجزء ⁶³ 🦋

رنيم هي الاخرى مني كاليها جابر على الخبر ديال إلياس تصدمت ماشي من مول الفعلة لي هي عارفاه شكون ولكن من الوحشية ديالو لي مكانتش عارفاها ، واش هو تال لهاد الدرجة شخص مكيرحمش و متيسامحش ولكن الدقة ديال هاد المرة قاصحة و جات في إلياس لي تاهو ماشي بشي شخص زوين ولا ضريف...رتاكب أكبر غلاط في حياتو مني فكر يستغل رنيم و لي تاهي  كانت عارفة بهاد الاستغلال و لكن مهدرتش

مكانتش مصدومة كتر ماهي مصدومة بالطريقة لعاقب بيها إلياس و لي هي '' الاغتصاب '' ، نفضت هاد الأفكار من بالها و جا الوقت لي تفكر في إيفري و بالطريقة لي غتصيدو بيها و في الوقت لي معندهاش و اخيرا وبعد ساعتين لقات حل مناسب ولكن غيكلفها بزااف ديال الحويج منهم أنها خاصها تباعد جابر من جنابها...
هزت التيلي بشوية و شافت الساعة لقاتها { 23:30 } و دوزت إتصال و مدازش بزااف تا كانت مرام على الخط مجاوبها و معصبة تتغوت عليها

مرام : واااش نتيي عندددك شي عقللل من كبييلة تنعيييط فيينك شوشتييي بااالي علييك

رنيم بهدوء و عياء : بشوية البعرة راااني مريضة و طايحة فراش في الكلينيك

مرام بخوف : اشنوو كتكوولي...كيفااش

رنيم : كيف سمعتي ، درت كسيدة في الطريق و للأسف تضررت بزااف مخرجتش على خير

مرام : واش شي حاجة خطيرة بزااف ولا اشنو

دازت دمعة من عينيها بلاما تشعر ، حست بيها تتحرقها على الملمس الجلدي ديالها و نطقت مجاوباها

رنيم : وجهي مشااا أصاحبتي
بتاسمت وسط دموعها و كملت : ولكن مزال تا حاجة مضاعت ، مشا وجهي ولكن مامشاش الهددف ديالي و لي غنبقى حية على جالو لأخر رمق ايه

مرام بتأسف : يدير الله لي فيها الخير ، راه كاينين أطباء مميزين ديول التجميل و شحال من حاجة إن شاء الله من ورى العملية لي عندنا أترجعي حسن من الاول

بدات تتسمح دموعها بصباعها و هي محافظة على نفس الابتسامة
رنيم : ان شاء الله ياربي

قطعت معاها و تكات في الفراش تتشوف في الشرجم لي واضح منو الظلام لي على برى و نطقت بهمس قاتل

« مبقيتش تنخاف من الظلام حتاش ولفت العيشة فيه ، الظلام تلوثات بيه حياتي و وليت تنلقى فيه راحتي بزااف...متسولنيش علاش قلبي قاصح حتاش تانا مسولتكش على شحال من حاجة نتا مباغيش بنادم يجبدها ليك ، يكفيك لي فيك بلاما نخليك كتعاني بسباب كلامييي »

#يتبع