جموح الغضب

27

🔆 جــمــوح الــغــضــب 🔆
✍🏻 بقلمي : خديجة كابي

✨ سحقا لِظالم إعتاد أكل لحم البشر بالرخيص ✨

☠️ الجزء ²⁷ ☠️

ديمارا اللوطو متوجه هو و ختو للوجهة ديالهم و الابتسامة مالئة وجهم ، بينما في بلاصة اخرى واقفين جوج خوت و باينة من ملامحهم انهم مخاصمين هو ميشرق و هي كتغرب

نطق جابر بصوتو الخشن : اخرر مرة نعاود هدرتي جوج مرات

رنيم رفعت صوتها كأنه أصم : و حتى انا منعاودهاش جوج مرات أ جاابر

مسح على وجهوا بعنف و نطق مكشكش عليها : بلاما تختابري الصبر ديالي معاك راه تقادى ليا

رنيم بابتسامة سخرية : اصلا كتعرف تعصب عليا غير انا

جابر ( تحرك شدها من إيديها بعنف ) : واااش نتي حمقة ، وليتي كتفضليه عليا ولا اشنو

رنيم ( تتنتر و تتغوت ) : تنبغييييه معندي مندير واش نبنيش مستقبلي

جابر : من إيمتا كان عندك المستقبل هو الراجل اممم

تتزيد تنتر و تغوت في وجهوا : من نهار تلاقيتو ، و طلق مني داب طلققققق

طلق منها بعنف و نطق ضاغط على سنانو : بيما انك بغيتيه و نتي عارفة العداوة لي بيني و بينو و اش ناوي ليا ، فغنخسر عليك غير تهلاي فراسك اختي

تحرك خارج من البيت و رادخ الباب بالجهد كأنه محاول يقلعوا و تفشرخت هي بالضحك بهستيرية و نطقت بخفوت

{ خويا غير صبر معيا عفاك ، مزال نخليه يندم على محاولة القتل ديالو ليك و ندمو على نهار لي حاول يستغلني فيه...هو باقي معارفش راسو معامن كيلعب }

نطقت كلامها و دخلت للدوش و حيدت حوايجها ، توجهت للرشاشة مخلية الماء الساخن كينساكب من شعرها هبوطا للقدمين ، الماء تينزل مع وجها ببطئ و كأن الزمن توقف...تتفكر و تتحلل في الخطوة لي بغا تخطيها واش صحيحة ولا غير غتجبد عليها النحل ، في الاخير خدات قرارها و خرجت من الحمام لاوية عليها فوطة و شعرها مدلي بتنمر على جسمها...

توجهت للدريسينغ و لبست حوايجها و نشفت شعرها مزيان... راسمة على وجها ابتسامة مكر ، ابتسامة تتبين الخبث ديالها و الخطة الجهنمية لي ناوية تنفد...هزت التيلي واضعاه في الساك و خرجت قافلة الباب من رواها

طلعت اللوطو و ديمارات بدون اي وجهة و هي مدوزة ابيل للإلياس لي شحال مبقات هدرت معاه ولكن داب حاجتها فيه
متسناتش بزاف و جاوبها بصوتوا المعهود و الخالي من أي تعبير

نطقت بهدوء عكس ما تحمل مشاعرها : اممم نتلاقاو ليوم الا بغيتي

إلياس ( بصوت هادئ ) : واخ في نفس المطعم ديال ديك المرة صافي

رنيم : واخ ، المهم مع 21:30 نكون عندك تماك

قطع بدون ميرد عليها و شافي البيسي لي قدامو مراقب جابر اش كيدير في المكتب ديالو و مبتاسم بشر
بينما هي ابتاسمت كدلك بمكر و قلبت الوجهة للمقر
بلاصات اللوطو و دخلت نيشان للمكتب ديالها بدون متكلم أي شخص و بدات في خدمتها لي هملاتها و لاهية راسها كتسنى يوصل الموعد ديالها مع خونا...

#يتبع