جموح الغضب

45

🌛جــمــوح الــغــضــب 🌜

✍🏻 بقلمي : خديجة كابي

🪐 أصابتك اللعنة يا قلبي الضعيف ، فما عدت أستحمل العيش بدونه 🪐

🔺الجزء ⁴⁵🔻

داك البوليسي لي تضرب ناض من الارض و شاد حنكوا ، ولكن عرف راسو كحالت عليهم مني شاف التصرف لي دار صاحبو
قلبو غيسكت بالخلعة ، خرج عليهم كاملين هاد الغبي لي معالفش معامن كيتعامل و معارفش شكون هاد الشخص لي قدامهم أصلا

تقدم عند صاحبو و نطق بغضب و جدية : غتحليه هادشي داب و تعتاذر منو و متبقاش تصرف من راسك ، نتا أتخرج علينا

الاخور معندو ميدير من غير أنه ينفذ ، هز كتافو و دار لي كاليه و غير حيد ليهم تقدم ميراث كيحك في إيديه من أثر المينوط الطفيف و نطق مخاطب الشاف

ميراث : يا تعاقبوا مزيان يا نعاقبك نتا وياه

لسانو تربط و لكن باينة العمى أنه أيختار راسو و أيعاقب عشيرو و هادشي لي دار نيت ، باقي مبعدش منهم ميراث حتى نطق مخاطب عشيرو بأمر و بجدية و غضب

الشاف : نتا من اليوم موقوف عن العمل و خارج الحسابات ديال الوكالة الأمنية

قال جملتوا و تحرك تابع ميراث و كيمسح على وجهوا معاجبوا حال و كيفاش أيعجبوا الحال و هو دمر صاحبوا لي بلا هاد الخدمة معندو باش يعيش ، صارف على عائلة قدها قداش ، كيفاش داب أيقدر يكوليهم بلي البوليس لفقوا ليه مونتيف و جراو عليه ، هادشي بالنسبة ليه ظلم كبير ، ما دار بيديه ولا برجليه و أصلا معارفش علاش عاطينو هاد القيمة كاملة

النفس لي فيه ما تسمحش ليه داب يمشي يعتاذر ولا يمشي يطلب الشاف و يترجاه يرجعوا للبوسط ديالو ، تنهد و نطق مستغفر الله و تحرك خارج مع الباب

° عند ميراث لي مشا بإتجاه الغرفة و دق الباب ببطئ و بلاما يسمع إذن الدخول ، حل الباب متقدم بإتجاه سريرها و هي مستلقية عليه بدون حركة ، ملامحها شاحبة و كتبان جسم بدون روح...هادي ثاني مرة أدخل فيها للسبيطار من نهار شافتو و من نهار دخل حياتها

و هادشي حسسو بأنه بحال شي فيروس أي شخص قرب ليه كيتأذى ، اش يدير داب واش يبعد عليها ؟ واش يسمح فيها ؟ اش غيدير و هي لي مونساه ؟ اممم صافي أيبعد عليها باش متأذاش

ريح على كرسي تماك ، داير رجل على رجل و التيلي على ودنيه مدوز نمرة ديال نعمان لي غير شاف نمرتو و إتصالو جاوب في البلاصة

نعمان : اش تما ، كيديرة نرمين

ميراث ( بصوت خشن روجولي ) : تقدر تجي ديها إلى بغيتي

نعمان ( بإستغراب ) : دغيا سخات عليك

ميراث ( بغضب ) : غتجي ديها الا بغيتي و بلاما تفرع ليا مخي

نعمان ( بجدية ) : أكيد غنجي نديها و نهنيها منك ، انا جاي داب نيت

ميراث : غنباسي لك العنوان متعطلش باغي نمشي بحالي

بدون ميسمع الرد ديالو قطع الإتصال و هو في القمة تاع الغضب ديالو ، حاس بالنار شاعلة في قلبو...معارفش علاش الدنيا عاطياه بضهرها و سؤال واحد كاين في أعماق العمق كيتغلغل في دماغو معارفش ليه جواب

[ واش أيجي شي نهار يكون الحب من نصيب قلبي ]

#يتبع