جموح الغضب

35

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ³⁵☠️

بمجرد ديك الهدرة لي سمع من عند باه ، الغضب ملئ عينيه من جيهتها ، و حالف ميتفاكش معها تيعرف اش صاري

ركب اللوطو مديماري بإتجاه الفيلا واخ مضامنش انها تكون فيها ، غادي في طريق و إيديه خدامات  كيبحث عليها في GPS و مرة مرة كيهز عينيه في الطريق ، قدر يحدد الموقع و يلاه بغى يقلب الدورة حتى كيحس باللوطو تردخت فشي طنوبيل اخرى

قرن حجبانو بغضب و كرز على سنانو هبط من اللوطو و مشا بإتجاه اللوطو الاخرى يشوف شكون هاد العمى لي زاد عصبو

شاف زاج كحل و مول اللوطو كعما هوظ و هو يدق بصباعو في السرجم ، حتى بدا كيهبط بشوية بشوية باش توضاح الصورة

صورة بنت عينيها بحال الصقر كيجلبو الخوف ، تاهي كتر منو معصبة ، بدون متنتابه ليه شكون حلت الباب و بدات تتسب غير لي جات على فمها كتكولها

الافعى ( تتغوت و معصبة)  : وااش نتا عمى ولا مالك ، اممم مفخباركش السرعة كتقتل ولا اش...

مجات فين تكمل جملتها حتى كان شادها كارز ليها على دراعها و عينيها في عينيه و هادشي لي زاد صدمها ، من بعد ما تمعنت فيه مزيان نطقت و هي تتحاول تهرب من نظراتو

مرام : مكانش يصحاب ليا هدا نتاااا

جابر ( بجمود ) : كون تعرفي شحااال بريت عليك أ مرام

مرام ( بجمود ) : كون بغيتي تبري عليا كان بإمكانك تلقاني

طلق من دراعها و زاد نطق وهو كيتفحص اللوطو ديالو

جابر ( بعبوس ) : على رمشت عين كنت أنودع

جوباتو ببرود : اممم راك مزال حي معليش

تلفت لعندها جابد تيلي من اللوطو و تحرك بإتجاهها حاجب عليا الرؤية بطولو و نطق بصوتو الروجولية

جابر : تبغي ليا الموت أ مرام

مرام : احم لا حاشة يا خويا جابر

قرن حجبانو من ديك خويا و مد ليها تيلي مخاطبها أو نكولو مأمرها : كتبي رقمك أ لالة باش تخلصي الخطية

تنهدت و جاتها من الجنة و الناس و خطتها نجحت ، شدت تيلي و كتبتها و نساحبت راكبة اللوطو و مديمارية مخلية وراها غير السرااب

تنهد هو كدالك و ستنشق العبير ديال ناطق بهمس و مغامر المكان

جابر : و اخيرااا حن ربي و لقيت قلبي

ركب اللوطو لي مدراتش بزااف و تحرك غادي للوجهة السابقة و وجهتو هي رنيم....

#يتبع