🌸 جمــوح الــغضــــب 🌸
✍️ بقلمي : خديجة كابي
🎭 بوجه جديد... سنبدأ الملحمة النهائية 🎭
🗽 الجزء ⁶⁹ 🗽
جمعو الوقفة بجوج و ركبو في اللوطو و كانت مرام هي لي سايكة ، الجسم حاضر ولكن عقلها مع جابر و في الطريقة لي غتخليه بيها يسمح ليها ، مكانتش بغيا تكوليه هادشي حتاش عارفة اصلا هو على صبة و غياخود الامر بحساسية و هي منقصهاش صداع الراس باش تزيد صداع كيف هدا
نطقت رنيم بنبرة جدية و صوت هادئ
رنيم : اول حاجة خاصني نمشي للمقر ديال الجنذ الاسود بغيت نشوف الزعيم و منها نيت نقدم الإنسحاب ديالي
مرام بنبرة هادئة : و من بعد أشنو غنديروا
رنيم بابتسامة شر : ههه غنمشيو لجبل إيفرست أعشيرتي
مرام بدلتها الابتسامة : يلاه نيت انا جاني الملال
مدة الطريق حتى وقفت اللوطو قدام مقر المجموعة و لي كان عبارة عن ناطحة للسحاب داير بيها سور كبير و باب متوسطو باللون الأسود و مرسوم وسطو ثنين نافخ النار من فمو
دارت قناع للوجه لي مزال عاطيها الحريق و كان مقطع لنصف مدرق النصف المشوه...بقات مرام في اللوطو و أشارت ليها بإيديها باش تمشي غير راسها و هادشي لي دارت نيت
قربت من الباب و وركت على زر الكشف و هزت عينيها الفوق مكاودة مع الكاميرة ناطقة بنبرة جدية
رنيم : معاك الكابوسة حل الباب
بمجرد ما سمع الاسم تحل الباب و دخلت بخطوات تقال و دايرة إيديها في جيوبها و مرجعة راسها اللور تتسوق في النفس لي تتحس بيها محبوسة ليها في حلقها...كاع الأعين عليها أو بالاخص على وجها... النص في الضباط و العملاء كانو باغين و طالبين ولو غير ضحكتها و داب كلشي ولا شايف فيها بنظرة قرف و إشمئزاز و هاد النظرات بالذات خلاوها تفقض أعصابها و زيرت على قبضة إيديها من فرط الأعصاب و تحركت للمكتب ديالو نيشان حتى وقفها صوت روجولي من وراها
العميل : الزعيم مكينش
قطبت حجبانها باستغراب ناطقة : معارفش فين مشا
العميل : لي عارف أمدموزيل أنه أيدير إجتماع من هنا لساعة على شي أمر مهم
رنيم : يعني أيجي من هنا لساعة
العميل : تقريبا أمدموزيل
تحركت توصلت لعندو و طبطبت على كتفو ناطقة بنبرة هادئة
رنيم : شكراا لك
تحركات قالبة الخطوات خارجة من المقر و ركبت في اللوطو رادخة الباب حتى قفزت مرام و نطقت شادة على قلبها
مرام : أ ماالك أ صاحبتي قفزتيني
رنيم بعصبية : اش ندير ليك نتي لي ساهية منعرف كرك فين غاطس
شافت فيها مخنزرة و نطقت : بلاما تفرعي ليا كري عوتاتي ، اش درتي معاه
رنيم : مكينش غيجي من هنا لساعة على قبل واحد الاجتماع
مرام : نمشيو نبركو فشي قهوة تيقرب الوقت
رنيم تنهدت : أووف أكي سيري نيت بغيت شي قهوة قاصحة نقاد المجاج
مرام : واخ أ مدموزييل رنيم
ديمارات اللوطو بإتجاه أقرب كافي طلعت ليها في GPS ديال المنطقة...بلاصاتها و نزلو بجوجات متوجهين للداخل و عينيهم كيتساراو على المكان لي كيبان بسيط و لكن عاطي رونق راقي و مميز خصوصا الشكل تاع الطبالي و الطريقة باش مستفين
ريحو في القنت و جا الكالصون وقف عليهم و نطق
الكالصون : مرحبا بيكم عندنا ، اش حب الخاطر
بلاما تهز عينيها نطقت : جوج كافي وحدة بلا سكار قاصحة و وحدة بالسكار قاصحة
الكالصون : مرحبا
نساحب يجيب الطلب و رنيم شبكت إيديها و شافت في مرام لي عوتاني ساهية
نطقت بنبرة جدية و قاصية في نفس الوقــت
#يتبع
أنت تقرأ
جموح الغضب
Romance🔥 حـصـريا عـلـى الـمـاريـخـوانـا🔥 🔞🌬️ جــمـــوح الـغــضــب 🌬️🔞 ✍🏿 بقلمي : بارونيسا [ خديجة كابي ] فـخـامـة الـعـنـوان تـكـفـي ذنبي أنني كنت غزالة ضعيفة لا تجيد الدفاع عن نفسها حتى أَصبَحَت فريسة للمفترسين وحتى للصيادين حيوانات كانو أو بشر...
