جموح الغضب

13

☠️🩸جموح الغضب ☠️🩸
✍🏻 بقلمي : خديجة كابي
☀️ حتى الشمس ستكسر القانون و تشرق من مغربها لتعلن النهاية ☀️

💄 الجزء ¹³ 💄

رنيم ( تنهدت ) : هادشي لي كاين اخويا

جمع الوقفة دافع الكرسي بالجهد و كيتكلم و الغضب الغريم واضح على ملامح وجهوا نطق بصوت مرتفع تا قفزها من بلاصتها : ايييه شكون هاد ميراث ولا ز....

رنيم شدت على راسها بحركة غباء : اممم معرفتش اخويا

هز التجاكيط ديالوا و سورات اللوطو و خرج من المكتب رادخ الباب من وراه و مخليها هي تتبحلق في عينيها...تنهدت و جمعت نوضة تابعاه ، خرجت لقاتو ديمارا بإتجاه هي معارفاهش و غير هو لي عارف فين غادي واخ تالف و شلا خيوطة تعرموا عليه ولكن غيلقى الراس الكبير...

غادي معيط في الطريق و الشخص لي جا في بالو فهاد اللحظة هو إلياس ، عارف وجهوا من خلال المجلات و الجورنال و العنوان ماشي بالصعيب عليه ديجا عطاتو ليه ختو لي خلاها وراه باركة على جمرة و تتحرݣ باغية تعرف فين مشا و علاياش ناوي ، خايفة عليه يدير شي حاجة يندم عليها ، عارفاه ايديه سابقاه و متيتحكمش في أعصابو...حركت كتافها بقلة حيلة و تحركت هي تالية للوطو ديالها عافطة للدار ترتاح و توجد للملحمة لي تابعاها هي و خوها

أما خوها فكان في هاد اللحظات لي هي تتفكر فيه هو واقف قدام الفيلا تاع سي إلياس ، عاس عليه غير همتا يعفط في الباب داخل ولا خارج
يقبطوا غيفصل ليه الكسدة على الجسم ديالو هادشي الا معطاهش المعلومات لي باغي ، كاين احتمال أن حتى إلياس يكون ما عارف والو على هاد سي ميراث ولكن بنسبة ضئيلة لأنه حتى هاد ميراث محاش كاين في الوجود...يقدر يكون شي واحد ولا الرئيس ختارع شخصية ميراث او أنها خطة منو باش يضلل جابر على الحقيقة تاشي حاجة ما واضحة في البلان

من بعد نص ساعة الملال تمكن منو و العصاب غادي و كيتزاد ايشد الزمر ايشرشم كلشي ، تنهد تنهيدة من الاعماق واضح صبعانو بين عينيه و كيمسد فيهم حتاش هاد ليامات كيحس بشي الم طفيف فيهم مرة مرة
شاف الساعة لقاها 16:30 و مع هز عينيه بان ليه سي إلياس داخل باللوطو للفيلا ، وقبل ميتسد بابها تسرسب جابر داخل و واقف على إلياس بطولتوا و ملامحوا الغاضبة ، بينما الطرف المقابل قارن حجبانوا بتعجب و استغراب و هو في الداخل ديالو كيدعي الله ميدخلش لعندو الفيلا لداخل باش ميلقاش الصطوك ديال الحشيش و الكوكايين لي اضطر انه يخبعوا في واحد من البيوت....

نطق إلياس بعد صمت طويل : اش تما الخاوة

جابر ( كارز على سنانو ) : اشنووو تتعرففف علىىى مييراااث

إلياس ( بإستغراب ) : شكون ميراث ثاني

جابر ( شنق عليه رافعوا للفوق و كيضغط على الحروف بتأكيد ) : اشنوو علااقتك بأختي رنيم

إلياس ( بهدوء ) : احم ، مجرد أصدقاء و صافي

جابر ( طلق منو الارض ) : مزااال عندي بيك الغراض هادشي علاش مغنديرش فيك راسي داب و منبغيش ندخل جد بوك فين تربى ( شار بعينيه للداخل الفيلا لي كانت محلولة ) داك الصطوك لي الداخل نبغيه ليوم و داب يتحيد من هاد الكوان

و كأنك ضربتيه برعدة ، تصدم من كيفاش عرف بالموضوع و واش كان مراقبوا...تكلم بكل تقة كيأكد كلاموا

إلياس : راك غالط الخاوة معندي والو

ضرب ليه جابر على كتفوا و تحرك مغادر الفيلا مخليه وراه كيبحلق في عينيه و في هاد الشخصية الغريبة....

أما جابر فبمجرد خروجوا توجه للدار يبدل و يخرج يقضي غراضوا لي كيقضيه كل ليلة و ميدوزش عليه شي نهار لمشافهاش ....

#يتبع