جموح الغضب

53

🌛 جــمــوح الــغــضــب 🌜

✍🏻 بقلمي : خديجة كابي

🪐 أصابتك اللعنة يا قلبي الضعيف ، فما عدت أستحمل العيش بدونه 🪐

🔺الجزء ⁵³🔻

~ عند جابر ~

كان مريح وسط واحد البار و عينيه نايمين بالشراب ، ممولفش عليه ، غير جوج كيسان تينيموه...رفع راسو ببطئ مني حس بشي واحد كلس حداه و حل عينيه على جهدهم مصدوم منها و كيفاش لقاتو و حتى كيفاش جات عندو و علاش جات
بينما هي كانت مخنزرة فيه و نطقت بجمود و ابتسامة استفزازية مزينة معالم وجها

مرام : اممم شوف كيف وليتي اسي جابر ( طلعاتو و نزلاتو و كملت كلامها مع غمزة ) بقيتي فيا صراحة

نطق بحروف متقطعة و هو كيضحك بصوت مرتافع : ههههه اش خااصك نتي شي خلاص

بنفس الضحكة و النبرة نطقت : خاصني غير نتا هاد ساعة

هز الكاس لي كان كاب و يلاه بغا يشربو تا حيداتو ليه و شرباتو هي مدوزة بلسناها على شفايفها لي ولاو معسلين بسبب الشراب

حركتها جنناتو بقا منيم فيهم و في عينيها لي سحروه ، ناض واقف بثثاقل و كيتمايل و ناضت هي الاخرى ، شادة ليه من دراعو معاوناه و نطقت هاربة من ريحة الشراب الفايحة منو

مرام : مالك على هاد الحالة تسطيتي اسي الكوميسير

جابر : اييه سطيتيني نتي

مرام : مزيان مزيان اسيدي

توجهوا للطنوبيل و هو كل شوية طايح في جيه ، طلعاتو اللور ناعس و هي طلعت للقدام سايكة بثبات ، دازت دقائق و هي متبعة المسار ديالها ، حتى تتحس بشي حاجة عند عنقها

مكانتش شي حاجة لي غتخلعها و متصدمتش حيت عرفاتو غيفيق ولكن متوقعتش منو هاد الحركة الجريئة...كان كيستنشق ريحتها و دايب في عنقها حتى تقدم ليه شوية و طبع قبلة دافئة خلاتها ترتاعش و تبعد منو بسرعة ، نطقت و هي تتسمح عنقها بكلينيكس

مرام : بسع مني لهيه ، خليني منتابهة على طريقي

رجع هو الاخر راسو اللوراء و نطق بخفوت يسمعو هو وياها

ميراث : اممم متخيليش شحال موحشك

حنات راسها مدرقة ديك التزنيكة و الحشمة منو ، واخ تكون قدما كانت في القوة ، فراه متنكرش بلي هو الشخص لي قوتها متتبقاش قدامو ، شخص كيخرجها عن عالم القوة و المافيا و كيدخلها لعالم اخور مليئ بالاحلام و الحب
أول رجل دق ليه قلبها و رتاح ليه أيكون هو جابر لي تعرفات عليه بسبب رنيم و مباشرة بعدما خرجت هي وياها من المختبر أو من جبل إيفرست ككل

تنهدت بخفوت و هزت عينيها في الطريق ، دخلت لوسط واحد الشارع عامر غير بالفيلات و تحل باب وحدة فيهم لي كانت ديالها
دخلت باللوطو و وقفتها نزلت و أمرات احد ليكارد باش يهز جابر و يطلعو للبيت لأنه كان ناعس

تنهدت و دخلت لفيلا متوجهة لبيتها ، دورشت باش ترتاح و ترخي عظامها و خرجت لاويا عليها فوطة ، مشات لدريسينغ و لبست بيجاما ديال النعاس و تخشات في بلاصتها بعدما صيفطات ميساج لرنيم فيه

📨معرفتش داب إيفري فين ، حركتو تقطعات ، يقدر يكون مزال وراك ، ردي بالك واخ هكاك كيبقى مصدر خطر بالنسبة لينا بزوج ، باش مكان تاصلي بيا 📨

#يتبع