جموح الغضب

77

🌸 جمــوح الــغضــــب 🌸
✍️ بقلمي : خديجة كابي

🎭 بوجه جديد... سنبدأ الملحمة النهائية 🎭

🍃 الجزء ⁷⁷ 🍃

بخطوات موزونين و عينيها فيهم نظرة غريبة متقدرش تفسرها... ركبت اللوطو ديالها غير مهتمة بدوك البوليس و توجهت لعند ميراث للمقر...ولكن القدر ضددها و ملقاتوش تماك و خبروها بلي المقر تفنى من البلاصة
رجعت أدراجها في الطريق و قرنت حجبانها مني سمعت صوت شي هاتف كيرن ، بدات تتقلب بإيد و إيد اخرى على الكوسان و اخيرا لقاتو ، كان التيلي ديال رنيم و لي رجع ليها شوية ديال الامل ، تقطع الاتصال و سرعان موقفت اللوطو و حلت الكود تتبري فيه و جبدت نمرة ميراث مدوزة الخط هاد الاخير لي في بالو رنيم لي مصونية حتى كيتصدم بصوت اخور كيقوليه جملة وحدة مفهومة و بنبرة جامدة

^ ماشي رنيم مي راه رنيم في أمس الحاجة لك ^

جوب بنبرة جدية يكتسيها الاستغراب : اش وقاع فين رنيم و شكون نتي

مرام بنفاذ صبر : في خبارك الوقت لي نشرح لك بيه مكينش والله
غير غنضيعو الوقت في الخوى الخاوي

ميراث بجدية : اك فين نتي داب

مرام : انباصي لك لوكاليزايشن اكي

ميراث : بالزربة

قطعت معاه و بسات ليه العنوان فين و ديمارات هي الاخرى ليه

من بعد 15 دقيقة بالضبط كانت واقفة قدام البحر و الضو مسيني فيها و تتحرك رجليها بثوثر واضح حتى حست بشي حركة وراها و صوت روجولي نطق كلامو

[ نتي لي عيطتي ليا ]

دارت لعندو و نطقت بلا مقدمات

« عرفاك تقدر تكون تتبغي رنيم ولا متتحس بجيهتا من والو ولكن هي تتكن ليك قيمة كبيرة في قلبها...القصة طويلة هي داب خطفوها و هادو لي خطفوها ماشي بناس عاديين فهمتي ، انا محتاجة المساعدة ديالك أميراث »

بنبرة جدية : يكون بيناتنا لي يكون مني تحتاجني ضروري تلقاني بجنبها ،يلاه داب في الطريق و عاودي ليا فين نقدرو نلقاوها

تماو غادين باتجاه اللوطو في صمت و ركبو في ديالو ، نطقت وهي تتشوف قدامها بينما هو ديمارا مع الطريق

مرام : [ خاص هاد الليلة نسافرو لأمريكا ، حتاش لي خطفها داها تماك ]

ميراث باستغراب : كيفاش خطفها و دغيا داها

مرام : ايه هو يقدر يمشي فينما بغا و وقتما بغا لأي بلاصا و بسرعة البرق

ميراث : مبقاش إنسان ولا وحش هدا

مرام : وراه نيت بصح هو ماشي إنسان بحالنا

#يتبع