جموح الغضب

79

🌸 جمــوح الــغضــــب 🌸
✍️ بقلمي : خديجة كابي

🎭 بوجه جديد... سنبدأ الملحمة النهائية 🎭

🍃 الجزء ⁷⁹ 🍃

مبغاش يزيد يحٓكر عليها فكيفاش تا طرا هادشي ، يكفيها الحالة لي كانت فيها تتبان منهارة كليا ، من خلال هاد الحالة قدر يستنثج بأنها تتبغي جابر و علاش لا تكون بيناتهم شي حاجة ماشي مستحيل

كمل الصوݣان ديالو في صمت و بالو و تفكيرو كلو غير معها هي لي فهاد الاثناء كانت متكية على واحد السرير في غرفة باردة بزاف و مافيها الشراجم كاينين ربعة الحيوطة بحال الحبس ولا يقدر يكون الحبس أرحم ليها من هاد الغرفة

كان الظلام مسيطر على داك المكان و صوت واحد لي كيتسمع هو صوت الانفاس ديالها لتيمشيو ببطئ كيدل على الاختناق ديالها
عينيها بداو تيتحلو ببطئ قاتل و بدات تتمتم بفم مرتاجف باش تنطق كلمتها

....[ إيفري ].....

بمجرد منطقتها شافتو قدامها و خيالو في الظلام تيبان كبير هدا دليل قاطع على أن إيفري البشري مشا و هدا لي جاي بإتجاهها ميكون غير إيفري الوحش

شدت بإيدها جيهت قلبها و نطقت : إيفري علاياش نــاوي

قهقه بصوت مرتافع ناطق : هههه ناوي لك غير على الخير إ مدموزيل رنيم

رنيم بدات تتجمع النودة حتى حست براسها مردوخة على داك السرير ردخة لي فرشخت ليها عظامها...شكون مول هاد الفعلة ؟؟

ها إيفري قدامها و متحركش من بلاصتو ، شكون هدا عوتاني
دماغها تيفكر و يحلل و إيفري تيضحك بهيستيرية و تيزيد على مابيها هادشي كامل و محستش براسها حتى لقات الجسم ديال معلق في الحيط و إيديها محطوطين على إيدين شي ظل تيحولو يبعدوهم حتاش قاجينها

ديك الإيد مكانتش بإيد روجولية بل رقيقة و فيها بعض الخدوش لي زاد أكد ليها بأنهم يد أنثى هوما الأظافر الطويلة و لي فيها أثار بعض الدماء

خرجت بإستنتاج نهائي ولي هو بأن هاد الغرفة الباردة الجامدة متكون غير الغرفة الملعونة تاع إيفري و بلي هاد المرأة لي كيبان غير ظلها متكون غير " إيفرست " لي تتحميه واخ اللعنة مسلطة عليها

بقات تتقاوم و ما جاها الفرج حتى بان ليها إيفري جر للمرأة من عليها و أمرها باش تبسع منها
الملامح ديالو تبدلو من ضحكة لتخنزيرة و العروق باينين كدليل قاطع على الغضب...نطق بصوت عالي كيجلب الرعب في النفس

إيفري : اش داب فين هي ديك القوة لكتداعي بيها اممم
فين هي ديك الغدارة تاع صاحبتك ولا خوك البوليسي واش نفعوك اممم ، عرفي بلي مغينفعك تاشي واحد معيا واخ يجي تا داك الزعيم ديالك فهمتييي

هزت فيه راسها من الارض و نطقت بنبرة جامدة من اي تعبير : غنتاقم منك على لي درتي لأقرب واحد لقلبي أ إيفري ( وركت عليها )

رجع كيقهقه بنفس الصوت العالي مغزف عليها : اش غاديري كاااع و اش في جهدك ماديري ، ها انا قدامك وريني اش عندك
بلاما ندوي عليا أنا ( دور عينيه للظل ) واش هي غتخليك اممم

جاوبات ببرود قاتل كيدل على قوة الشخصية : عرفتي نتا باش حسن مني

إيفري : باااش أمدموزيل

رنيم بابتسامة : على الاقل نتا عندك مك لي تحميك امم و انا اش نكول لي بابا مكانش حاملني كااع ، واش في خبارك بلي ماماك كانت أكبر مشعودة في الدنيا ولالا ولكن واخ هكاك كانت تتبغيك بزااف و انا ماما كانت اكبر عالمة مجنونة بالاختراعات بين كاع علماء جبل إيفرست ولكن فين هي داااب رااااه تحت الترااب واش عرفتي علااش ولا لا...حتاااش أنااا قتلتهااااا اناا سباابها ، منلوموش واليدينا على شي حاجة حنا سباابها ، كوون مكنتش انا ماما مكانتش غتموت و كون مكنتيش نتا ماماك كاعما كانت أتصيبها هاد اللعنة من اللول أ إيفري

#يتبع
غزات فيه صراحة
كنكتب في هاد الجزء و تنبكي