جموح الغضب

41

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ⁴¹☠️

خرج من بعد الكلام لي كال و خبط الباب من وراه تا قفزها ، شدت وجها بين إيديها تتبكي و تنخصص و تشهق ، شوية شدت من قلبها حست بألم خيب ، بحالا كيشرحوها الاصناف
تنهدت و ناضت دخلت للدوش غسلت وجها و شافت في المرايا و حطت إيديها على جناب لاڤابو و قرنت حجبانها ناطقة : علاش انا علاش ديما ينهزرني و نبدا نتغبن و ديما يقمع فيا كدام بنادم..مالي كنعبدو شكون هو كاع ، سالا زمان الخوف و جا زماني انا لي نحقق فيه ذاتي ، انجح و أنصنع المستقبل ديالي بإيدي و مغنعولش عليه لاهو لا غيرو

مسحت دموعها مجددا بقوة و بتاسمت بإستفزاز هامسة : جااا وقت الحساااب

خرجت من الحمام و مشات للدىيسينغ ، جبدت محفظة و دارت فيها بعض الحوايج و خرجت تتسلت بشوية باتجاه المكتب ديالو...دخلت من بعدما تأكدت من الخدمات بلي خرج ، مشات بإتجاه الخزنة و حولات تفتحها ولكن عيات متجرب في الكودات و والو مصدق ليها تاشي واحد ، تنهدت و نطقت بغضب

نرمين : اش داير هاد الخرى تفوو
تفكرت شي حاجة و رجعت بتاسمت بمكر و رجعت للخزنة بسرعة دخلاتو و وساعت الابتسامة و كملت ناطقة

نرمين : كنت عارفة ايكون داير يوم عيد ميلادي هههه

هزت اش بغات من الخزنة أو بمعنى اخر هزات غير سلاح و شوية الفلوس تقدي بيهم

رجعت كلشي كيف كان و خرجت من المكتب بشوية و رجعت للغرفة ، دارت الفردي و الفلوس في المحفظة و لبست سورفيط كحلة و جمعت شعرها سفنجة الفوق و حلت السرجم ، طلت يمين و يسار ليكونو ليكارد دايرين بالفيلا

مبان ليها تاشي واحد و هي تنقز دغيا جات طايحة على ظهرها ، و هادي فكرة ديالها باش متوعتش في رجليها ، ناضت بشوية و تتحس بظهرها تقسم...بتاسمت ابتسامة خفيفة و هي تترمي عينيها على جناب الفيلا و رجعت طلعت من السور و هاهي نقزت عوتاني ولكن هاد المرة مبقاتش طايحة في الارض بل مشات مسابقة مع الريح و كدوز من درب لدرب حتى شافت الساعة لقات دازت شي 15 دقيقة باش خرجت و هي توقف شادة من ركابيها و تتنهج...ستنشقت شوية الهواء و رجعت تتمشى و القب على راسها و عينيها في الارض تكتحس براسها مردوخة فشي حاجة قاسحة و جات على نهايتها طايحة للأرض

#يتبع
دخلنا للصحيح
لي قلعت ليا شكون لي ضربها نعطيها تسريب من الاحداث نهائية