جموح الغضب

11

☠️🩸 جموح الغضب ☠️🩸
✍🏿 بقلمي : خديجة كابي
☀️ حتى الشمس ستكسر القانون و تشرق من مغربها لتعلن النهاية ☀️

💄 الجزء الحادي عشر 💄

كرز على إيديه و غمض عينيه و حلهم متنهد و ناطق بهدوء مخاطبها : اك أنتفاهم معاهم ، رجعي لبيتك تنجي عندك داب

نرمين تنهد : واخ ولكن راني مغنبقاش هنا غير تهنى

حمر فيها عينيه و مشات دخلت للبيت خابطة الباب و متعجبة من هاد الأمر ، كيفاش هي عندها خوها ، و كيفاش هي معندها خبار عليه ، و كيفاش اتكون حالة ماماها داب و اشنو مصيرها...ريحت فوق الناموسية و هي تتفكر و دماغها تيحلل في هادشي ، مشات بإتجاه السرجم و بعدت شوية الخامية مراقبة منظر الحديقة الخلفية ، شوية و هي تسدها بالجهد و دارت إيديها على فمها شاهقة بصعوبة و دموعها دازو شلال من المنظر لي شافت

أما هو فغير شافها سدت الخامية عرف القضية داب صعابت عليه ، يلاه كيحاول يكسب الثقة و الحب ديالها و داب كتشوفو قدام عينيها كيقتل بإيديه بدون رحمة ، هادشي صعيب على بنت بريئة في السن ديالها ، و هو عارف مزيان بلي عندها فوبيا من الدم...
شافتو و هو هاز الفردي و تيرا في دوك جوج رجال لي جابوها بدون ميغمض عينيه ، وحش هي قدام وحش ، لالا كتر من وحش ، ولكن هو يقدر يدمر و يقتل و يعدب غير على قبلها و هي معمرو يأديها ، معمر الضرر أيجيها من عندو...علاش ؟؟
حتااش ختو ، قطعة من قلبو ، نصفو الثاني ، يدمر الدنيا الا نزلت دمعة من عينيها ، سنين و هو مراقب خبارها و نقاطها المدرسية ، كيمشي حتى لقدام الليسي و يقابلها و هي مجايبة خبار...لدرجة انه بعض الايام كان كيهدر مع أساتدتها بالسر باش يتعاونو معها و هي مجايبة خبار ، مبغيش الدراسة تعقدها كيفما عقداتو ، بعض المرات كيشوفها واقفة قدام شي محال مع الدريات و خاطرها تشهات شي حاجة و كيحفظ سميت ديك الحاجة و كيشريها و كيخزنها ليها في البيت لي وجدوا على دوقها لي لاحظو من ملابسها....

تنهد و مسح على وجهو بغضب واضح و دار الفردي في خسرو و تحرك داخل الفيلا ، دخل لبيتو و خبع السلاح في واحد المجر وخرج مشا بإتجاه الكوزينة علمهم اش يوجدوا الغداء و مكان عليهم غير التنفيذ...تحرك بخطواتو للبيت عندها ، و مع حل الباب قرن حجبانو بإستغراب ، ملقاش ليها أثر في الغرفة ، تعصب و بدا كيغوت جاعر ديال بصح ، ركبت فيه عصاب الدينا و الآخرة ، كان ناوي يشرح ليها فعلتو و زربت عليه بهاد الهربة ديال الغفلة

خرج من الفيلا بعد ما لبس حوايجو عليه ، ركب اللوطو و تحرك مع الشارع كيدور عينيه يمين و شمال على أمل تبان ليه ولكن والو مكين ليها أثر...تنهد من أعماق قلبوا و هز تيلي لي كان كيصوني مجاوب على النمرة الغريبة لي تتصوني

نرمين بصوت هادئ و هامس : سلام هادي انا ، كالو ليا الخدمات مشيتي تخرج تبري عليا

ميراث بغضب : أبلاتي لدينمك ، انجي نوريك فيين كنتي

نرمين بخوف : كنت ، كنت في الجردة الخلفية

ميراث براحة : انا جااااي

دار مرشريال راجع الفيلا و هو مرتاح شوية حتاش مهربتش ولكن اش كانت كدير في الجردة الخلفية لي لاح فيها دوك الجوج
وصل و نزل راكن اللوطو بعشوائية و خابط الباب بالجهد طالع بالزربة في الدروج ، و غادي بخطوات مزروبة في الممر وصل للبيت و حل بدون اخد الادن ، و هو يقرن حجبانو مصطانع الحدة واخ جابت ليه الضحكة

ميراث ( بحدة ) : فيين كنتي هدري

نرمين ( تترعد ) : متغوتش عليا

ميراث ( كيقرب بإتجاهها ) : اممم عودي اش كلتي

نرمين ( تتنخصص و الدموع شلال ) : بعددد منيي أهئ أهئ...قتااااال....نتااا...قتااال

ميراث ( بتأسف و قرب جرها لعندو كيمسح ليها دموعها و يطبطب على راسها باش يطمئنها ) : على قبلك نحرق الدنيا فهمتي ، كلت ليهم جيبوها ماشي ضربوها
زاد ضامها لعندو و حس بيها بدات تتهدن من خلال صوت بكاها لي حبس : كاود ليها راسها مع راسو و باسها في جبهتها و نطق

ميراث : اممم قلعي اشنو كلت ليهم يديرو لك في الغداء

نرمين ( بنبرة هادئة ) : الحوت ، راني شفتو في الكوزينة

ميراث ( ضرب على جبهتو ) : خربت ليا المفاجأة ، المهم ماعلينا الخدامة داب اتجيب لك الحوايج و كتوبتك و مني تغوت عليك تغداي نزلي بلاما تقصحي مخك

نرمين حركت راسها باه و مشات للناموسية ريحت تتمسح بعد أثار الدموع ، بينما هو خرج مشا المكتب و فتح البيسي كيتفحص في الملف ديال الصور لي عاد وصلوا، تنهد و نطق و الابتسامة الماكرة مرسومة على ثنايا وجهوا

*** مرحبا بيك أسي إلياس في الجحيم ديالي ***

#يتبع