♥╣[ جـــمـــوح الـــغـــضـــب ]╠♥
✍🏽 بقلمي : خديجة كابي
🍷زدني من النبيذ...لعل ابتسامة باهتة ترسم على وجهي 🍷
🦋 الجزء ⁶⁴ 🦋
من بعدما تخلص من الجثة ديال إلياس و رماها في الواد
توجه بسيارتو لأحدي الملاهي الليلية لي كان موالف يمشي ليهم فاش كيكونو أفكارو مخربقين و مشاكل الدنيا تحت راسو
وصل و مشا لواحد الركنة و جا أحد السرباية حط ليه الطلب لي مطلبوش ولكن داو عليه أنه ديما كيطلب نفس المشروب
سكب ليه كاس و جغم منو و دوز عينيه النايمين على الملهى لي تبدلت فيه شحال من حاجة و استنثج أنه طول الغيبة عليه و أكيد ناس هاد الملهى أيكونو توحشوه
دور عينيه لواحد القنت اخور و بان ليه صاحب الملهى جاي عندو ولي هو نفسو صاحبوا من الصغر و مكانوش كيتفارقو...وقف مسلم عليه سلام روجولي بينما الاخور طبطب على كتفو ناطق بعفوية
سليمان : ضنيتك غير متي أعشيري
بتاسم ليه حتى وضاحو غمزاتو و نطق : لا أعشيري راني غير تزوجت و الزوجة مكانتش تتخليني نجي لعندك هنا و نتمنظر
ضحك سليمان على هاد الجملة عرفو بلي كيطنز عليه
نطق و هو كيدوز إيديه على لحيتو لي كثيفة و عينيه على الكاس ديال المشروب لي كيجغم منو ميراث
سليمان : حالتك صعيبة أعشيري يااك
ميراث : نوو ماشي لتا ديك الصعوبة أصاحبي
سليمان : هههه واش سبابك ثاني
ضرب بقبضة إيدو على قلبو و نطق بحرقة : هدااا أعشيري لي كاويني و مخليني معذب سهراان ليالي
سليمان : اودي حالتك صعيبة غير مني كلتي بلي سبابك القلب
ميراث : نتا عمرك تألمتي
.
سليمان بابتسامة : كنتألم الى ضاعو مني الفلووس ههه شي حاجة اخرى لا منضنش
ميراث : كلشي كيجري على قبل الفلوس
سليمان : هي السفينة لي محركة العالم أعشيري
ميراث : فلووس حرفة
سليمان باستغراب : حرفة ليمن
ميراث :
الفـــلوس أعشيري ولات حرفة عند شي عــطاية ، غير شويت التبزنيز و تقنزيـــز و ها الرصيد سطــوكا...ميحتاجش الواحد يهبط و ينزل و يطلع على ورقة متقوبة بستيلـــو بيك...جبد ليا الزرقـــة راه تصيفطــك لسبليــون و تخلي وزير الحكومة ينحانـــي ليك إحترامــا...جبد جبد تيليفونك نعطيك نمرة وزير العدل كوليه صيفطني فلان بن فلان و ختار ليا أعشيري لبيرو لي عجبك و متنساش تخرج شي زكاة على الله يتمسح ذنوب هاد قوز قـــزح
سليمان بنبرة جدية : شتي داك ولد القحب*ة دمر ولاد الشعب أحلامهم مساكن
ميراث : داوي على وهبي ، خليني نصحى و نهني المغاربة منو
سليمان : واخ غتنوض روينة ولكن غير تكلف بيه أعشيري ، غتجمع دعاوي دوك المساكن لي حطمهم
ميراث : الطلاب ديال المغرب خاصهم يتعلمو واحد الحاجة
سليمان : اشناهي
ميراث : بأن أول حلم خاص يحققوه هو يغادرو من مطار محمد الخامس و تماك نقدر نكول راه ضحكت ليهم الدنيا
أما باش يقراو هنا و يبداو يبريو على خدمة فخاصهم جويب عاامر حبة و باك صاحبي جبد التيليفون راه خدام
#يتبع
أنت تقرأ
جموح الغضب
عاطفية🔥 حـصـريا عـلـى الـمـاريـخـوانـا🔥 🔞🌬️ جــمـــوح الـغــضــب 🌬️🔞 ✍🏿 بقلمي : بارونيسا [ خديجة كابي ] فـخـامـة الـعـنـوان تـكـفـي ذنبي أنني كنت غزالة ضعيفة لا تجيد الدفاع عن نفسها حتى أَصبَحَت فريسة للمفترسين وحتى للصيادين حيوانات كانو أو بشر...
