جموح الغضب

50

🌛 جــمــوح الــغــضــب 🌜

✍🏻 بقلمي : خديجة كابي

🪐 أصابتك اللعنة يا قلبي الضعيف ، فما عدت أستحمل العيش بدونه 🪐

🔺الجزء ⁵⁰🔻

تنهد و وكلت أمرها لله و تقدمت داخلة لاسانسور هي و الافعى ، و خدم لاسانسور طالع بيهم للأعلى...وقف و تحل الباب باش يتحل معاه فمهم بجوجات لي مصدومين من المنظر
كان عبارة عن المختبر كبيير و فيه قنينات كبار و كل قنينة مكتوبة عليها سمية غريبة و فيها شي حاجة الداخل ، واقفين شلا علماء يكونو شي 6 ولا 7 و كل واحد و اش كيدير...حنحن داك العالم لي طلع رنيم و الافعى ، مدور لي معاه عندو و تاهوما تصدمو و نطق واحد فيهم بإستغراب

: واش سخن عليك راسك شكون هادو

العالم : اممم هادي رنيم بنت مخترعة زامارسو

الصدمة كانت عنوان كاع الوجوه ، بينما تا رنيم بقات مستغربة من اشناهي هاد زامارسو و معارفاش بلي مها صنعت الة مدمرة للعالم

نطق نفس العالم مكمل كلامو : بغيتكم ترحبو بيها وسطنا ، تقدر تكمل خدمة مها

حركو راسهم بالايجاب ناطقين : مرحبا بيك ، ا بنت كاڤيترا

بقا هاد اللقب كيتردد في المسامع ديالها

~ نهاية فلاش باك ~

ساهية و محساتش براسها تا غمضات عينيها و قفزت على إثر اللسمة ديالو ليها كمحاولة منو يفيقها

حركت ليه راسها بالايجاب و حيدت سمطة و هزت ساكها...قدات شعرها و حلت اللوطو هابطة و عينيها تيدورو على المكان لي كان في قمة الروعة ولكن هاد الجو غيتفسد حتاش لاحظت إيفري وسط اللوطو كالس بعيد و عينيه عليهم ، زيرت على إيديها و غمضت عينيها كأنها تتحس بالندم ، كتحس براسها بلي غير كظلم في ميراث معها ، و هاد التصرف مخفاش عليه ، و من الاول مخافيش عليه المراقبة ديال ديك اللوطو و التتبع ديالها ليهم

تنهد و توجه لعندها مد ليها إيدو و بعفوية شدت فيه و تحركو غادين على الخشب لي مشكل قنطرة صغيرة كتأدي بيهم لليخث

دخلوا بجوج و طلق من إيدها متوجه للبلاصة تاع القيادة ، فعل زر القيادة الأوتوماتيكية و رجع عندها...هاد الاخيرة لي بتاسمت بامتنان و حب بدات تتحس بنوع من الراحة معاه و هادشي خلى إيفري بتعصب مني شافهم دخلوا لوسط البحر و شافو شاد ليها في ايديها.....

#يتبع