جموح الغضب

70

🌸 جمــوح الــغضــــب 🌸
✍️ بقلمي : خديجة كابي

🎭 بوجه جديد... سنبدأ الملحمة النهائية 🎭

🗽 الجزء ⁷⁰ 🗽

رنيم بنبرة هادئة : سمعيني أعشيرتي أحم أنا عارفة بلي جابر كيبغيك و تانتي تتهزي من جيهتو نفس المشاعر..أنا عارفة مزيان بلي التصرف ديالي خاطئ مكانش عليا نتصرف بشكل أناني
مفكرتش فيك و في علاقتك بخويا لي تقدر الدمر بسباب موضوع حساس بحال هدا...ولكن خاص بجوجنا نضحيو على قبل الهدف ديالنا أصاحبتي ، واش أنخليو مشاعر خاوية تطفل لينا على عضو ( القلب ) غبي فينما يكون شي شعور حساس يكون هو لي مساهم فيه

تبسمت مرام ابتسامة جانبية ، رجعت راسها للوراء و تنهدت تنهيدة من الاعماق تسمعت في الادن ديال رنيم
نطقت بنبرة هادئة : عـــادي ، حنا أصلا ميليقش لينا شي لعبة سميتها الحب أعشيرتي

رنيم ببرود : تمــامـا أ الأفعى ديالي

مرام : مسماوك الكابوسة حتى كنتي كابوس ليهم كاملين

رنيم : اش يصحاب لك ، كنت تنلعب تماك ، خدمت معاهم من نيتي

مرام : ولكن الغالب الله

جا الكالصون و حط الطلبية...هزت كاسها راشفة منو و تتبنن في الكويس ديالها و هزت الكاس تتشير ليه بعينيها و خاطبت مرام

رنيم بنبرة هادئة : و كويس هدا ولا حيد بلاك

مرام : واايه ، حجبتني عندهم القهوة هنا مقودة

شافت في الساعة اليدوية و نطقت : وايه ، المهم خلينا نكملو هاد الكويس و نتنغمو فيه ، بقات 10 دقايق

بقا الصمت هو سيد الموقف حتى وقفو بجوجات و حطت رنيم الخلاص على لاطابل و خرجوا من المقهى راكبين اللوطو و متوجهين عليها للمقر لي في هاد اللحظات كانت قوداموا وقفت اللوطو ديال ميراث...

بخطوات ثقال و عينيه مركزين غير على نقطة وحدة ، كاع لي تيدوز من قدامو تيحني راسو بإحترام للمكانة ديالو...دخل للقاعة المعلومة ولي خاصة بالإجتماعات و ريح على الكرسي مترأس ديك الطابلة الكبيرة و لي أتكون جامعة أهم العملاء في المقر

دور عينيه على الأسماء لي على الكراسة و لمح سميتها ، ضغط بصبعانو على المحاجر ديال عينيه لي مكتاسياهم الحمورية
هز راسو ببطئ فور ما لمح العملاء بداو تيدخلو للقاعة و تيعطيو السلام و تيتسمع صوت الكراسة لي كانو كيتحركوا

رفع راسو مسكانيهم كاملين و رجع ضهرو للوراء على الكرسي بصوت جدي فيه بحة روجولية نطق كلامو

ميراث : كلشي حاضر هنا

نطق أحد العملاء : الكابوسة أسيدي كانت هنا و كالت ليا أتجي

تقاد في الكلسة و شبك إيديه مع بعضهم و قطب حجبانو ناطق

ميراث : لي مهثم بخدمتو خاص يكون داب مريح على الكرسي فهمتي

حرك ليه براسو و يلاه غينطق ميراث حتى تفتح الباب بلا إذن بلا والو...كاع الحضور دوروا وجههم للباب و رجعوا حضروا راسهم و راجعين للوضعية المناسبة...الا هو لي طلعها و هبطها و سكانا وجها لي مدرق و نطق بنبرة واضح فيها العصبية

ميراث : تعطلتيي الكابوسة و مموالفاش ليك

ريح في الكرسي المترأس من الجانب الاخر و نطقت بهدوء تام

رنيم : ماشي عن قصد ، عندي أسبابي الخاصة و كنعتاذر

ركز الشوفة مباشرة في عينيها و نطق بصوت هادئ

ميراث : متعاودش الكابوسة

هزهزت براسها دليل على الايجاب بينما هو نطق بجدية

ميراث : سمعوني كاملين ، هادشي لي غنكول ليوم راه مهم بزاف و منبغيش نرجع نعاودو و اصلا مغيتعاودش
المقر لي هنا أيتم الإبادة ديالو و نتوما كاملين كعملاء ملزومين بالمغادرة...حقهم مغيضيعش و.....

#يتبع