جموح الغضب

19

☠️🩸 جموح الغضب ☠️🩸
✍🏿 بقلمي : خديجة كابي
☀️ حتى الشمس ستكسر القانون و تشرق من مغربها لتعلن النهاية ☀️

💄 الجزء ¹⁹ 💄

تكلم بغضب واضح و بصوت مرتافع ، النبرة ديالو كتجلب الرعب في النفس : عااااوووود اااشششش كلللتي

الشخص ( بخوف ) : جات عندنا وحدة سميتها نرمين الفجري

تبلوكاو ليه الغيزيبلات توع دماغوا ، كيحس بالوقت توقف و بالارض حبست على الدوران و بالسماء ولا لونها اسود بالكامل و بالبحر هاج و بالرعدد كيغني ليه لحن حزين على الحال لي هو فيها...قطع الاتصال و هو متوجه للدريسينغ رابس حوايجوا و خارج بسرعة مديماري اللوطوا بإتجاه الكلينيك لي ديجا هو لي من شروطوا فينما تمرض تجي ليه و كلشي عليه

و ما كانش مستغرق الكثير حتى كان قدام الباب و بخطوات كلها ثقة متوجه للغرفة ديالها لي سول عليها الاستقبال...من بعيد
بانت ليه الام و الاخ ولكن مهتمش بيهم ، قلب عينيه بغضب و تحرك لعندهم شانق على خوه و غافلوا جابوا مرفوع للسماء و ناطق تحت سنانو

ميراث : ااششش كلتوو ليهاا حتى تعصبت

نعمان ( باستفزاز ) : كلشي لي خلاها تصدم فيك

هبطوا للأرض ضاربوا بركلة للكرش و مخنزر في مو لي جات تتقلب في نعمان لي شاد من كرشو مقصح

تحرك للغرفة و دق الباب و دخل بدون مايحتاج ياخود شي إذن

دخل بخطوات تقال و كيتفحصها بعينيه و متأسف على حالها و حالوا
كان باغي يصلح معها كلشي و لكن سبقوه و دمروه عوتاني بدون ميفهموا شي حاجة
باقي عندو امل ضئيل داب بأنه يرجعها لصفوا و لي هو
يديها خارج المغرب و يحقق ليها كاع لي تتمنى و ينسيها في شخصيتوا العنيفة و الشريرة لي بناوها ليها في عقلها و بدات تتكون عندها فكرة بلي هاد الشخص خايب و ماتيسواش و هادشي غلاط هو باغي يكسبها ، و يخليها تبقى ديما معاه

تحرك لعندها و كلس بجنبها على السرير ماسك إيديها الصغيورات بين الخباطات ديالو...طبع عليهم قبلة دافية و عميقة و رجع شادهم عندوا و كيتلمس فيهم بلطف و نطق بنبرة حنونة و هو كيدوز صباعوا على حناكها الحمرين

ميراث : كنواعدك ان لي يتسبب في نزول دمعة وحدة من عينيك ندمروا و نخليه عمروا يشوف النهار البيض

هاد الوعد طرحوا عليها و على راسوا و الا خلف الوعد فستاهل الموت كيف كيقول المثل ( الوعد سيف على الرقبة إن أخلفته قطع رأسك)
قرب و طبع قبلة على جبينها و هاد القبلة حسساتها هي بتبوريشة ، ايه هي مناعساش بل كتسمع كلاموا و كتشوف حركاتوا و لكن نوات انها تعاقبوا بطريقتها و هاد الطريقة هي البعد ثم البعد ثم البعدد

#يتبع