جموح الغضب

62

♥╣[ جـــمـــوح الـــغـــضـــب ]╠♥
      ✍🏽 بقلمي : خديجة كابي

🍷زدني من النبيذ...لعل ابتسامة باهتة ترسم على وجهي 🍷

🦋 الجزء ⁶² 🦋

                          
〰️〰️〰️〰️〰️ عند ميراث 〰️〰️〰️〰️
في وسط ديك الغابة السوداء وفي منطقة مغطية و دايرة بيها أطول الأشجار ، كيتسمع صوت خافت كينهج و باينة فيه تعبان من الألم ، الى زدتي قربتي و تمعنتي في ملامح وجهو غتلاحظ لاطراس ديال شي يد عملاقة كانت قجاه و من نظرات عينيه غتلاحظ الخوف الشديد من مول هاد الفعلة و كيفاش مغيخافش و هو طايح داب في مصيدة ديال واحد الوحش ، حصل حصلة متبغيهاش لعدوك...
هز عينيه ببطئ و هو كينين ، كيلاحظ المجيئ ديالو من جديد و كيف كل مرة و في كل وقت من الليل الليل ، كأنه عندو فوبيا من الضوء ، بغا ينطق و الصوت مشا ليه و رجليه فاشلين مقادرينش يهزوه ، أما الشخص الاخور او بالاحق لي ماهو إنسان و لا حيوان بل وحش دموي
قرب ليه و هزو الفوق ملصقو على الشجرة قاجوا و مطراسي صباعو عليه ، نطق بصوت خشن و عينيه كيتبدلو في اللون : خاصك تكون عبرة لهادوك لي بحالك ، باش المرة الجاية تاشي حيوان ميقرب لحاجتي ( زاد ضغط عليه شوية و مغزز على سنانو كيأكد ليه اش غيكول ) أنا راني ماشي وحش ولكن قلبي لي منظمنش ليك طبيعتو

لاحو في الارض كينهج ، جبد تيلي من جيبو و صور ليه فيديو في حالة يرثى لها ، مشا لاحو في كاع مواقع تواصل و كان العنوان البارز في كاع الصحف « رجل الأعمال الشهير المحامي إلياس الذراوي ثم إغتصابه بطريقة بشعة » ، بتاسم إبتسامة عريضة و نطق بينو و بين راسو و هو غادي وسط الأشجار و عينيه على القمرة كيخمم فيها و في ردت الفعل ديالها من بعد متصيق الخبار : من غير الوحش راه مغايخدك ليا تاشي واحد

🍷 في مكان أخر 🍷

الليل هدا و باينة كلشي كيكون ناعس إلا هي لي فايقة تتسنى شي إتصال من عند إلياس ، مسكينة مجايبة للدنيا خبار ، خرجت من الوات و دخلت الانسطا تتسركل حتى طاحت على الخبر لي صدمها صدمة الحياة و طيحت تيلي للأرض شادة على فمها و ناطقة بعصبية زايدة و هي تتضرب كاع لي قدامها : غادي ندمك أ هاد الوحش ، اووف منك دمرتي ليا حياتي نتا أشنو باغي مني ، ميكون غير هو مول الفعلة
نزلو دموعها و الندم تمكن من قلبها و تأنيب الضمير بدا كيلعب على كاع المشاعر عندها...الحب تيعمي العينين و الغيرة كدالك
هي كانت عارفة بلي غير كيستغل رنيم و لكن غارت منها و من أنه يكون ديما معها ، تافقت مع ميراث على الخطة ولكن مكانتش بغيا هادشي يطرا و ميراث موفاش بالوعد لي عطاها و دمر ليها كاع أحلامها

[ لمياء الجاهدي ] بنت الفشوش و بابا و ماما غطيني
لي كالتها تحضر بلا زيادة و بلا نقصان...مصاحبة مع إلياس أو نكولو علاقة حب عظيمة و لي خلاتها تدمرو و تدمرها و الفاعل الرئيسي كان هو ميراث

#يتبع