جموح الغضب

36

🔆 جــمــوح الــغــضــب 🔆
✍🏻 بقلمي : خديجة كابي

🪐 حٓتٓى ٱلقْمٓر إِخْتٓبٓأْ عٓنِ ٱلظُهور  في لٓيآلِي إيفْرِسِت المظلمة 🪐

☠️ الجزء ³⁶☠️

سلات خدمتها في المكتب و خرجت في وقيتة ديال الغداء راجعة للفيلا ، سايكة بالسيارة ببطئ على غير العادة ديالها ، طالعاها السخانة و على الجبين ديالها حبيبات كيدلو على العرق...كتحس بقلبها مزموط عليها في الداخل ديالها كاين بحال شي صوت كيناذيها ولا شي صوت كيكوليها حبسي من هادشي لي كديري ، شي صوت كيكوليها سيري عاودي لجابر كلشي و صوت اخور كيكوليها تبعي أوامر الزعيم ديالك و زكاي.. ستغرفت الله و شدت على قلبها متنهدة و كملت طريقها ، حلت السرجم باش تنفس شوية ، و هزت عينيها للمرايا و رجعت ضيقتهم باش تلاحظ بلي من وراها كاين جوج طنوبيلات في اللون الاسود غاامق بزااف...
دارت عين ميكة و زادت في السرعة و مع اول دورة كدامها ، دازت و زادت في السرعة و نفس شيء الطنوبيلات نفسهم وراها مباشرة ، هزت تيلي و دارت ابيل لأول رقم في القائمة و ماشي بالقليل تكتسمع صوتوا

ميراث ( بصوت روجولي ) : اممم اش كين تما

رنيم ( بصوت هادئ و بجمود ) : الزعيم ، راهوم تابعيني داب

ميراث ( بجدية ) : مزيان هادشي لي بغينا ، أنلحقوا عليك ولكن من هنا لداك الوقت حافظي على نفس السرعة و مني تحسي بالخطر زيدي السرعة و بدلي مسارك و انا انتبعك بGPS

رنيم : مفهوم الزعيم

ميراث ( ببرود ) : ردي البال مزيان ، مبغيتش يطرا شي خطأ

رنيم ( ببرود ) : نخسر حياتي و مغتفشلش المهمة اسيدي

مجوبهاش اكتفى انه يقطع و يبدا في الخطة ، جمع الفريق و عطا الاوامر بالحرف الواحد كيف خاصهم يتنفذوا و بالو كيمشي و يجي
• كيفكر إلا صابها شي أذى اش غيدير و كيفاش أيسامح راسو
كيفكر علاش بالضبط هي لي كيخاف عليها من دون جميع العمال
كيفكر علاش كيستخدم معها هاد البرود كامل في المعاملة
و علاش قلبها مزال مبغى يدق ليه رغم هاد السنين لي عرفها فيهم ، واش زعما تكون كتحس بشي حاجة من جيهتو ولكن حالفة متعتارف بسباب برودو المعتاد لي والفو معها

° مزال كيفكر حتى فيقو من السهوة ديالو صوت تيلي لي كيرن
شاف المتصل و قرن حواجبو مجاوب بهدوء عكس باش كيحس

ميراث : مالك واش كاين شي موشكيل

رنيم ( كتنهج ) : ولينا في مطاردة داب ، غنطر نصفيها ليهم

مسح على وجهوا بعصبية ناطق بدون وعي منو : ديري لي بان ولكن أهم حاجة أنك ترجعي ليا بيخير فهمتي

تتسوك بسرعة كبيرة و عينيها غير على الطريق و الهاتف بجنبها دايرة مكبر الصوت و تتهدر : وااخ ولكن منضمنش لك

يلاه غيجاوب تكيلقى الخط تقطع بيناتهم ، و بعصبية و قلبو شاعل بنار الخوف ، خرج من المكتب راكب في اللوطو ، عمر الفردي ديالو قادو حطو حداه و ديمارا تابع الموقع و بسرعة فائقة متيشوفش قودامو باغي يشوفها غير هي بيخير و مافيهاش تاشي أمارة...
من بعد دقائق كيشوف أن النقطة لي متبع توقفت دليل على أن سيارتها توقفت ، زاد تخلع عليها و زاد من السرعة و ماشي بالكثير كان لحق عليها و مع نزل كيدور في عينيه حتى كيبان ليه من بعيد شي ......

#يتبع