جموح الغضب

46

🌛جــمــوح الــغــضــب 🌜

✍🏻 بقلمي : خديجة كابي

🪐 أصابتك اللعنة يا قلبي الضعيف ، فما عدت أستحمل العيش بدونه 🪐

🔺الجزء ⁴⁶🔻

بقى بارك على داك الكرسي و كل مرة كيرمي عينيه عليها و مراقب الساعة لي على الحيط ، حتى شافها تتحرك إيدها و كتجمع عينيها بألم و بدات تتحلهم ببطئ ، حتى كتاملت الصورة ديالهم و تلاقات عينيها مع عينيه و نزلت دمعة حارة من عينيها كدل على ندم عظيم ، ندم على كلامها و على تصرفها

بصوت خافت نطقت بنبرة حزينة : ميراث سمح ليا اخويا

زير على إيديه مكلمها بقسوة : زمي داك الفم...ها خوك الحقيقي جاي في الطريق أبنتي

نرمين بنفس النبرة : عارفة راسي قلقتك مني بزااف ولكن أنا راني معارفاش اش ندير...أنمشي داب ولكن كنواعدك أنه أيجي شي نهار و نعاودو نتلاقاو

مجوبهاش كتافى انه يحدر راسو و كيشوف في التيلي مقابل الوقت ، حتى عاودت نطقت من جديد

نرمين : متخلاش عليا اخويا واخ يطرا لي يطرا حيتاش نتا لي كنحس بيك مهتم بيا

نطق بجدية : انا مكنفرقش الإهتمام على من والا ، عرفي بلي أي شخص عطيتو وقتي و إهتمامي فراه هو شخص مهم بزاااف بالنسبة ليا

نطقت بدون وعي و بعفوية : بحال رنيم

على ذكر الإسم غوبش و خنزر فيها تا جمعت الضحكة و هو في بالو جمع سؤال جديد  "علاش إهتمامك منحتيه لرنيم "

بقا الصمت سيد الموقف بيناتهم ، هي تتشوفيه و هو متجنب الشوفة فيها و قلبو شاعل...هز راسو مني سمع الباب تحل ، باش يجيو عينيه في عينين نعمان من جديد ولكن هاد المرة مكانوش نظرات الاخوة من جيهت نعمان كانو نظرات كلها حقد و كلها إستفزاز

نطق مخاطبو نعمان و هو متوجه لعند نرمين : كان كيسحاب ليا راك قادر تحميها

نرمين ( بحزن ) : انا لي هربت اخويا متلوموش

قرن حجبانو و رسم غوباشة على وجهو : كون مدارش علاش كعما غتهربي ، راني كلت ليه ميبززش عليك تبقاي معاه

نرمين : ولكن هو مبزز عليا والو ، انا غير حسيت بشوية الخنقة و تهورت

بغى ينطق نعمان و حبسو صوت ميراث لي كان وراه

ميراث ( بجدية ) : راك عارف اش غدير ، تهلى فيها

نطق جملتو و رجع خطوات للوراء فاتح الباب و مغادر الغرفة في حين نعمان بتاسم ابتسامة خفيفة و كلس في جبنها على السرير و مد إيديه كيدوزهم على شعرها ببطئ و نطق بصوت أخوي حنين

نعمان : توحشناك بزااف اختي ، الصغيورة تاع الدار، الدنيا بلا بيك مملة والله ، الوليدة توحشاتك و الوليد تاهو و حتى كريم توحشتك

نرمين ( بتاسمت بزز ) : تانا توحشتكم ، اش خبار عٓلي تاهو

نعمان : لباس عليه ، مشا لطنجة على شي خدمة و غيجي من بعد شهرين

نرمين : اممم الله يسهل عليه

نعمان : امين ياربي ، المهم بينما ترتاحي ، راه مغاديش نتفرق عليك تتعاودي ليا كلشي

تنهدت بصوت مسموع : متبززش عليا اخويا مافيا لي يهدر
باغية غير نمشي للدار

على إثر جملتها دخل الطبيب ، هاز بين إيديه شي وراق عطاهم لنعمان يوقعهم بصفته ولي أمرها و لي غيخرجها

بغى يخرج و وقفوا نعمان

نعمان : همتا يمكن ليها تخرج

الطبيب : بمجرد ما يسالي السيروم أسيدي

هزهز ليه براسو و الطبيب خرج من الغرفة بينما نعمان توجه الكرسي مريح عليه و مرجع راسو للوراء و مغمض عينيه كيحس بالتعب من كاع هادشي لي دار هاد السيمانة لي فاتت

#يتبع