Unicode
ရှရှင်းချန်သည် သူ့ကိုယ်သူ ရေချိုးကန်ငယ်ထဲတွင် နှစ်ထားလိုက်ပြီး သူ့ခေါင်းအား ရေများ ရွှဲရွှဲစိုစေလိုက်သည်။ သိပ်မကြာခင်၌ သူ့အဆုတ်တွင်းတွင် လေကုန်ခမ်းလာရကာ အသက်ရှူကြပ်ခြင်းက ရင်ဘတ်တောက်လျှောက် ကိုက်ခဲမှုကို ဖြစ်စေတော့သည်။ သူ ရေထဲမှ မြန်မြန်ပြန်ထလိုက်ပါ၏။ အကျိုးဆက်အနေဖြင့် အသက်အား အငမ်းမရရှူနေရတော့သည်။
ရေများသည် ဆံပင်များမှတစ်ဆင့် တစ်စက်စက် ကျနေသည်။ သူ့မျက်နှာမှရေများအား ဖယ်သုတ်ရန် လက်တစ်ဖက်အား မြှောက်ခဲ့လိုက်သည်။ ကိုယ်အား ရေချိုးကန်ဘောင်အားမှီရင်း ခေါင်းကို ဘောင်အစွန်းပေါ်တင်လျက် မျက်လုံးများအား မှိတ်ထားခဲ့ပါ၏။
ရှရှင်းချန် ရေချိုးခန်းထဲမှ ထွက်လာသည့်အခါတွင် ဆိုဖာပေါ်ထိုင်၍ ဆေးလိပ်သောက်နေသော ဟွမ်းကျီရှင်းအား မြင်လိုက်ရသည်။
"မင်း ခုထိ မပြန်သေးဘူးလား"
ခေါင်းပေါ်မှ မျက်နှာသုတ်ပုဝါအား ဆွဲဖယ်ကာ အိပ်ယာဘေးစွန်တွင် ဝင်ထိုင်လိုက်သည်။ သူ့ ခန္ဓာကိုယ် ထက်တွင် ရေချိုးဝတ်ရုံရှည်အား ဝတ်ထားခဲ့သည်။
"ငါ မင်းကို စိတ်မချလို့လေ .. ငါ နောက်ထပ်နှစ်ရက်လောက် ဒီမှာ ရှိနေဦးမှာ .. ဘယ်လိုလဲ .. စိတ်သက်သာရာ ရ သွားတယ်ဟုတ် ?"
ရှရှင်းချန် စကားတစ်ခွန်းမှ မဆိုတော့။ အိပ်ယာပေါ်သို့ နောက်ပြန်ပစ်လှဲချလိုက်ရင်း သက်ပြင်းတစ်ချက်က သူ့နှုတ်ခမ်းတို့ဆီမှ ထွက်ပေါ်လာ၏။ သူ၏ ခြေထောက်ဖြူဖြူသွယ်သွယ်တို့ကိုတော့ ရေချိုးဝတ်ရုံအပြင်ဘက်သို့ ဆန့်ထုတ်ထားခဲ့သည်။
ဟွမ်းကျီရှင်းတစ်ယောက် စီးကရက်ကို ပါးစပ်တွင် တေ့လိုက်ကာ အိပ်ယာဘေးနားဆီသို့ လျှောက်သွားလိုက်သည်။ ရရှင်းချန်အားငုံ့ကြည့်ရင်း စကားဆိုပါ၏။
"ဘာဖြစ်နေလဲ .. မင်း ၊ မင်းကြည့်ရတာ စိတ်ပင်ပန်းနေသလိုပဲ"
ဟွမ်းကျီရှင်း ရှေ့တွင်တောင် အမှန်ပြောခဲလှသော
ရှရှင်းချန်က ပြောပါ၏။
"ငါ ဖိအား အများကြီးအောက် ရောက်နေသလိုပဲ"
"ဟေ့ကောင်လေး .. အခုမှ ပထမဆုံးနေ့ ရှိသေးတာလေ"
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
