Unicode
ချန်းဟိုင်လန်၏ လက်ထပ်ပွဲနေ့တွင် ဥက္ကဌခိုင်၏ စီစဉ်မှုဖြင့် ရှရှင်းချန်အား ရို့ရှု၏ stylist ကို ငှားသုံးစေသည်။
ရှရှင်းချန်၏ ပင်တိုင် stylist ပြင်ဆင်ပေးသည့်ပုံစံနှင့် မတူစွာပင် ယနေ့၏ stylist သည် သူ့ အနက်ရောင်ဆံစများကို အခွေကောက်ငယ်များ ပြုပေးကာ ငွေကိုင်းပါးပါးတပ် မျက်မှန်ကို တပ်စေပြီး ပန်းဖျော့ရောင် တီရှပ် မကျပ်၊မပွ ကို ဝတ်ဆင်ပေး၏။
ခိုင်မေ့ထင်က ရှရှင်းချန်ကို မြင်သည့်အခါ ပြောပါ၏။
"မဆိုးဘူး .. မင်း မျက်မှန်တပ်ထားတာကို ပထမဆုံးအကြိမ်အဖြစ် မြင်ရတာ စိတ်ဝင်စားဖို့ ကောင်းသလိုပဲ"
ရှရှင်းချန်သည် မှန်သားပြင်ထက်ရှိ သူကိုယ်တိုင်အား ငေးကြည့်နေပါ၏။
ခိုင်မေ့ထင်၏ဘေးနားမှ ရို့ရှုက ဆိုပါ၏။
"ရှောင်ရှက တော်တော်လေး တော်ပါတယ်.. သူက တကယ်ကို စွယ်စုံရတာ.. နောက်ကျရင် မတူတဲ့ဇာတ်ကောင် အမျိုးအစားတွေကို သူ စိန်ခေါ်နိုင်ပြီ"
ခိုင်မေ့ထင်က ရို့ရှုနှင့် နောက်ပြောင်နေပါ၏။
"နောက်တစ်ကြိမ်ကျ တို့တွေ သူ့ကို ရုပ်ရည်လေးသန့်ပြန့်သလောက် စိတ်ကောင်းနှလုံးကောင်းမရှိတဲ့ လူဆိုးလူညစ် ဇာတ်ကောင်နေရာကို ကြိုးစားကြည့်ခိုင်းကြစို့ဟေ့!"
ယခုကာလသည် ဆောင်းရာသီ ရောက်နေပြီး ဖြစ်သော်လည်း ချန်းဟိုင်လန် လက်ထပ်ပွဲကျင်းပမည့်
ကျွန်းသည် အပူပိုင်းရောက်သည့် ဒေသတွင် ရှိရာ နေမင်းသည် စူးနစ်တောက်ပစွာ သာနေဆဲဖြစ်ပြီး ရာသီဥတုသည် ပူပြင်းလှသည်။
ချန်းဟိုင်လန်သည် လက်ထပ်ပွဲလာသည့် ဧည့်သည်များတည်းခိုနေထိုင်ရန် ကျွန်းပေါ်ရှိ ကြယ်ငါးလုံးအဆင့် ဟိုတယ်တွင် ကြိုတင်စီစဉ်မှုများ ပြုလုပ်ထားပြီးဖြစ်သည်။ လက်ထပ်ပွဲသည် ဟို့တယ်အရှေ့ရှိ ပုဂ္ဂလိကပိုင်ကမ်းခြေတွင် ကျင်းပမည်ဖြစ်၏။ အထပ်မြင့် ဟိုတယ်အဆောက်အဦးတစ်လုံးအပြင် ပုံသဏ္ဍာန်အတိအကျမရှိသည့် ရေကူးကန်ကျယ်ကြီး၏ ဘေးပတ်လည်တွင် မိသားစုတစ်စု တည်းခိုနိုင်သည့် တစ်ထပ်ဗီလာငယ် ခုနစ်လုံး ၊ သို့မဟုတ် ရှစ်လုံးခန့်ရှိသေးသည်။ ညနေပိုင်းတွင် ရေကူးကန်ဘေး၌ ဘူဖေးညစာလည်း ရှိမည်ဖြစ်၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
